كەزدەسۋدەن كەيىن جۋرناليستەردىڭ سۇراعىنا جاۋاپ بەرگەن بلينكەن بىلتىر ماۋسىمدا قاراقالپاقستاندا بولعان قاندى وقيعادا ادام قۇقىقتارىنىڭ بۇزىلۋى بويىنشا مالىمەتتەردى ءجىتى تەكسەرۋ كەرەك دەدى.
بىلتىر 1-2 ماۋسىمدا قاراقالپاقستاننىڭ ورتالىعى نۇكىستە جەرگىلىكتى تۇرعىندار وزبەكستاننىڭ كونستيتۋتسياسىنان ەگەمەندىك تۋرالى باپتى الىپ تاستاۋ ۇسىنىسىنا قارسى شىققان.
نارازىلىق كۇشپەن باسىلىپ، قان توگىلگەن. وزبەك بيلىگى 21 ادام قازا تاپقانىن، 243 ادام جاراقات العانىن حابارلاعان. 500-دەن استام ادام قاماۋعا الىنعان.
اكتسيالاردان كەيىن پرەزيدەنت شاۆكات ميرزيەياۆ قاراقالپاقستاننىڭ ەگەمەندىگى تۋرالى باپتى وزگەرتپەيتىنىن جەتكىزدى. سول كەزدە ول بۇل نارازىلىقتىڭ ارتىندا شەتەلدىك كۇش تۇر دەپ ايىپتاعان.
وزبەكستانعا دەيىن بلينكەن استانادا ورتالىق ازيانىڭ سىرتقى ىستەر مينيسترلەرىمەن سامميتكە قاتىستى. وزبەكستان ساپارىنان سوڭ ول "ۇلكەن جيىرمانىڭ" سامميتىنە قاتىسۋ ءۇشىن ۇندىستانعا اتتانادى.
Abai.kz
