قازاقستان قورعانىس مينيسترلىگىنىڭ دەلەگاتسياسى پاكىستان قارۋلى كۇشتەرى اسكەري-تەڭىز كۇشتەرىنىڭ باس قولباسشىسى ادميرال مۇحاممەد امدجاد حان ءنيازيدىڭ شاقىرۋىمەن «AMAN-2023» كوپجاقتى اسكەري-تەڭىز جاتتىعۋىنا باقىلاۋشى سالاۋاتىمەن قاتىسۋ ءۇشىن قاراشيگە باردى. قازاقستان دەلەگاتسياسىن قارۋلى كۇشتەر اسكەري-تەڭىز كۇشتەرى باس قولباسشىسىنىڭ ورىنباسارى 1-دارەجەلى كاپيتان دانيار حايرۋشەۆتىڭ باستاپ باردى.

«بەيبىتشىلىك ءۇشىن بىرگە» ۇرانىمەن وتكەن «AMAN-2023» تەڭىز اسكەرى جاتتىعۋىنا جۇزدەن استام ەلدىڭ وكىلدەرى شاقىرىلدى. اتالمىش وقۋ-جاتتىعۋلار ەلدەر اراسىنداعى اسكەري ىنتىماقتاستىقتى دامىتۋعا، كەمەلەر قارقىندى قاتىناساتىن اۋدانداردا قاۋىپسىزدىكتى بىرلەسە قورعاۋ جانە ىزدەستىرۋ-قۇتقارۋ وپەراتسيالارىن كۇش بىرىكتىرە جۇرگىزۋ، تەروريزمگە ورتاق قارسى تۇرۋ، تەڭىز قاراقشىلىعىنان كەلەتىن قاۋىپ-قاتەرلەرىن تويتارۋ بويىنشا اسكەري تەڭىزشىلەر اراسىندا تاجىريبە الماسۋعا باعىتتالعان.

«AMAN-2023» تەڭىز اسكەرى جاتتىعۋى پاكىستاندا 2007 جىلدان بەرى ءوتىپ كەلەدى. ءار ەكى جىلدا ءبىر رەت وتەدى. پاكىستاننىڭ وڭتۇستىك ازيا، ورتا ازيا مەن ورتا شىعىستىڭ تۇيىلىسكەن جەرىنە ورنالاسقانى بەلگىلى. ەلدىڭ سىرتقى ساۋداسىنىڭ 90 پايىزى تەڭىز جولى ارقىلى جۇزەگە اسادى. اتالمىش ەل ءۇشىن تەڭىز جولىنىڭ قاۋىپسىزدىگى اسا ماڭىزدى ەكەنى ايتپاسا دا تۇسىنىكتى. بۇل اسكەري جاتتىعۋ جولعا قويىلعالى بەرى وعان تەڭىز كۇشتەرى الەمنىڭ الدىنعى ورىنىن الاتىن اقش، قىتاي، رەسەي، انگليا، جاپونيا، تۇركيا تۇراقتى قاتىسىپ كەلەدى.

بۇل جاتتىعۋدا ەڭ وزىق اسكەري قارۋلار كورسەتىلىپ، ءوزارا ۇرىس تاجريبەسى ورتاعا سالىنىپ قانا قويماي، سونىمەن بىرگە ارتقى ساپقا، پاكىستاننىڭ تەڭىز ءونىمى الەۋەتىن كورسەتۋگە، سول ارقىلى تەڭىز-مۇحيت قاۋىپسىزدىگىنىڭ وزەكتىلىگىنە كوز جەتكىزۋگە ءمان بەرىلگەن. شەتەلدىك قوناقتارعا ارنالعان قاتىستى قيمىلدار دا قاراستىرىلعان.

ساپار بارىسىندا قازاقستاندىقتار اسكەري-تەڭىز ونىمدەرىن شىعارۋعا ماماندانعان كاسىپورىنداردىڭ جاڭا تەحنولوگيالارى مەن ازىرلەمەلەرى قويىلعان I حالىقارالىق تەڭىز كورمەسىنە باردى. پاكىستاننىڭ تەڭىزبەن شەكتەسەتىن شەكاراسى 1136 شاقىرىمدى قۇرايدى. تەڭىز ونىمىنە وتە باي، 400 دەن استام ءتۇرى بار. بالىقشىلىق كاسىبى ەلدىڭ سىرتقى ساۋداسىنىڭ 5.7 پايىزىن يەلەيدى. تەڭىز ونىمدەرىن وڭدەۋ كاسىبىن قارقىندى دامىتۋ ءۇشىن كاسىپورىنداردى بەس جىل سالىقتان بوساتۋ سياقتى ءتيىمدى ساياساتتار جولعا قويعان.

كاسىبي تاجىريبە الماسۋ تۇرعىسىنان PIMEC-2023 حالىقارالىق كونفەرەنتسياسىنىڭ دا پايداسى زور. كونفەرەنتسيادا جاتتىعۋعا قاتىسۋشى ەلدەردىڭ جوعارى دارەجەلى اسەري ماماندارى تەڭىز جولىنىڭ قاۋىپسىزدىگىن، ەكولوگيالىق ورتاسىن قورعاۋداعى، ەكونوميكالىق تيىمدىلىگىن ارتتىرۋداعى قۇندى تاجريبەلەرىمەن ءبولىسىپ، تالقى الىپ بارادى. بۇنىڭ ءبارى جاتتىعۋدى كوزىمەن كورىپ قايتقان ءبىزدىڭ اسكەري تەڭىز كۇشتەرى وكىلدەرى ءۇشىن ۇلكەن اشىق الاڭ بولعانى انىق. وزىق ەلدەردىڭ تاجريبەلەرىن كوڭىلگە توقىپ، ەلىمىزدىڭ تەڭىز اسكەرىنىڭ الەۋەتىن جاڭا ساتىعا كوتەرۋگە قىزمەت ەتتىرەتىنىنە سەنىم مول.

Abai.kz