ءبىز وسىعان دەيىن دە الەۋمەتتىك ماسەلەلەردى شەشۋ ءۇشىن مەكتەپ ۆولونتەرلەرىنىڭ بىرەگەي جوبالاردى جاساعانىن ايتىپ ءجۇرمىز. بۇگىن سولاردىڭ بىرىمەن بولىسكىمىز كەلەدى.

ءبىزدىڭ ماقالامىزعا ارقاۋ بولاتىن ۆولونتەرلىك جوبا – ينكليۋزيۆ اكادەمياسى. اتالعان جوبا مۇمكىندىگى شەكتەۋلى بالالارعا قوعامدا الەۋمەتتەنۋ مەن قارىم-قاتىناس جاساۋعا جانە دوستىق ارقىلى داعدىلاردى انىقتاۋعا كومەكتەسۋمەن بايلانىستى. ول بالالاردى الەۋمەتتەنۋ پروتسەسىندە قولداپ قانا قويمايدى، سونىمەن قاتار مۇمكىندىگى شەكتەۋلى بالالاردى ستيگماتيزاتسيالاۋمەن كۇرەسۋگە كومەكتەسەدى.

جوبانى ۇلتتىق ەرىكتىلەر جەلىسىنىڭ كوپتەگەن جوباسىنىڭ بەلسەندى ۆولونتەرلەرىنىڭ ءبىرى مۋرزاعاليەۆا ديانا سەرىكجانقىزى جاساعان.

ديانا جوبا يدەياسىنىڭ قالاي پايدا بولعانى تۋرالى بىلاي دەپ اتاپ ءوتتى:

- بولاشاقتا ەرەكشە دارىندى بالالارعا ارنالعان اكادەميا اشسام دەگەن ارمانىم بار ەدى. ءبىر كەزدەرى مەن دە ەرەكشە بالا بولدىم، سونىڭ كەسىرىنەن دوستارىم جوق ەدى. مەنى تىركەۋدەن شىعارعان كەزدە دە، 8-سىنىپقا دەيىن دوستارىم بولعان جوق. ەلىمىزدەگى پاندەميا كەزىندە، ۋاقىت كوپ بولعان كەزدە، مەن ءتىلى كەش شىعىپ سويلەيتىن بالالاردى تاربيەلەپ جاتقان اتا-انالاردى ينتەرنەتتەن ىزدەي باستادىم. ويتكەنى بۇل ماسەلە تۋرالى كوبىرەك اقپارات بىلگىم كەلدى. سودان مەن ولاردىڭ ەكەۋىن تاپتىم. ەكەۋىنىڭ دە ردد جانە اۋتيزممەن اۋىراتىن بالالارى بولدى. سول ۋاقىتتا مەن «ۆولونتەر» دەگەن ءسوزدى بىلمەي، ولارعا كومەكتەسە باستادىم. ولار ءۇشىن جاي عانا ينتەرنەتتەن اقپارات، ورتالىقتار، دارىگەرلەردىڭ پىكىرلەرىن ىزدەدىم. ارقايسى وزدەرى تۋرالى مالىمەتتى ءبولىستى، بۇل ولاردى شابىتتاندىرىپ قانا قويماي، ولارعا سەنىم مەن ءۇمىت سىيلادى. وسىلايشا 800-گە جۋىق اتا-انا جينالدى. اراسىندا بىرەۋى 14 جاستاعى تسسا (دتسپ) اۋىراتىن ۇلىمەن سويلەسۋىمدى ءوتىندى. ەشكىممەن ارالاسپايتىن، تۇيىق، وتە تۇيىق بولاتىن. مەن وعان ۇزاق جازدىم، قوڭىراۋ شالدىم، سويلەسۋگە تىرىستىم، ول ماعان قالاي دا جاۋاپ بەرەدى دەپ سەندىم. بىراق ول جاۋاپ بەرمەدى، سودان كەيىن مەن ونى جاقسى تۇسىنەتىنىمدى جانە بالا كەزىمدە مەنى دە مازاقتاعانىن، دوستارىم جوق بولعانىن ايتتىم. وسىدان كەيىن ول جاۋاپ بەرىپ، سويلەسىپ كەتتىك. ءبىراز ۋاقىتتان كەيىن وعان اعىلشىن ءتىلىن ۇيرەتە باستادىم. وسىلايشا ەكەۋىمىز ءبىر-بىرىمىزگە كومەكتەسە الدىق. مەن كوبىرەك اشىلا باستادىم. بۇرىن وتە ۇيالشاق ەدىم، بىراق ۆولونتەرلىك قارىم-قاتىناس داعدىلارىمدى جاقسارتتى. سودان كەيىن ول ەرىكتىلەردى جيناپ، باسقا ەرەكشە بالالارعا ارالاسۋعا جانە ولارعا ءبىر نارسە ۇيرەتۋگە كومەكتەسۋدى ۇسىندى. وسى ساتتە قازاقستانداعى يۋنيسەف پەن جاس جۇمىسشىلار قاۋىمداستىعى جاھاندىق شاقىرۋعا قاتىسۋ مۇمكىندىگى ءۇشىن الەۋمەتتىك يدەيالار بايقاۋىن ۇيىمداستىردى. مەن كوماندا جيناپ، جوبامىزدى تانىستىردىق. وسىلايشا ءبىز فينالعا شىعىپ، وسى بايقاۋدىڭ فيناليستەرى اتاندىق. جوبانىڭ يدەياسى مۇمكىندىگى شەكتەۋلى بالالار مەن جاسوسپىرىمدەردىڭ دارىندىلىعىن اشۋ، ولاردىڭ داعدىلارىن دامىتۋ جانە سۇيىكتى ماماندىعىن جۇزەگە اسىرۋعا جانە دايىنداۋعا مۇمكىندىك بەرۋ بولدى.

ءاربىر جوبانىڭ العاشقى قادامدارى جاسالعان ساتتە قيىندىقتار كەزدەسەتىنى انىق. ديانا مەن ونىڭ كومانداسى ءۇشىن ەرىكتىلەردىڭ ازدىعى ماسەلە بولدى. ويتكەنى مۇمكىندىگى شەكتەۋلى بالالارمەن جۇمىس ىستەۋ ءار ادامعا وڭاي ەمەس، كومەككە دەگەن قۇشتارلىقتان باسقا باسقا دا قابىلەتتەر قاجەت ەدى. ال جوبا اۆتورلارى ءالى دە ەرىكتىلەر مەن بالالاردىڭ باس قوساتىن جەرىن تاپقىسى كەلەدى. سونداي-اق ولار قيىندىقتارمەن قالاي كۇرەسۋگە بولادى تۋرالى دا ايتىپ بەردى:

- بولمە جوق بولعاندىقتان، كوڭىلىمىزدى تۇسىرمەي، قوعامدىق ورىنداردا بالالارمەن سويلەسەتىن بولدىق. جىگىتتەردى، مىسالى، كينوتەاترعا، كىتاپحاناعا، كونتسەرتكە شاقىردىق، ساياباقتا نەمەسە اۋلادا سەرۋەندەپ جۇردىك. ال ۆولونتەر جەتىسپەيتىندەر ءۇشىن ءبىز ولاردى باسقا قالادان ونلاين وقىتتىق.
ءبىز ءۇشىن جوبانىڭ باستالۋى وتە قيىن بولدى، ويتكەنى ءبىز ەلىمىزدىڭ تۇكپىر-تۇكپىرىنەن 200 بالانى جيناپ، وعان قوسا ءبارىن دۇرىس ۇيىمداستىرۋعا تۋرا كەلدى. ساباقتى قاداعالاپ، اتا-انالارمەن بايلانىستا بولعان ءار ايماققا ۇيلەستىرۋشى تاعايىندادىق. بارلىعىن ەرىكتى مەن بالانىڭ حوببيىنە سايكەس سايكەستەندىرۋ كەرەك بولدى، سوندا ولارعا ىڭعايلى بولارى ءارى قىزىعۋشىلىق تانىتاتىنى ءسوزسىز. مۇنىڭ ءبارى ورىندالىپ، ءبارى ۇيىمداستىرىلىپ، بارلىعى تاراتىلىپ، سوڭىندا ءبىز بالالاردىڭ ءبىلىمىنىڭ ناتيجەسىن كوردىك، بۇل ءبىز باستان وتكەرگەن ەڭ كەرەمەت نارسە. ءيا، ءبىزدىڭ بارلىق تىنىمسىز ەڭبەگىمىز بەن ۇيقىسىز تۇندەرىمىز ءوز جەمىسىن بەردى. دوس تاۋىپ، جاڭا ءبىلىم العان ادامنىڭ نە سەزىنەتىنىن سوزبەن ايتىپ جەتكىزۋ مۇمكىن ەمەس شىعار. اتا-انالارىنان ەستىگەنىمىزدى ءالى ۇمىتا المايمىن. بالالاردىڭ دا قۋانىشتان كوز جاسى توگىلدى. قانشا جاستا بولساڭ دا جانىڭا دەمەۋ بوپ، قاسىڭنان تابىلاتىن ادام كەرەك قوي.

ديانا سەرىكجانقىزى جوبانىڭ بولاشاعى تۋرالى دا ءسوز قوزعادى:

- بۇگىنگى تاڭدا ءۇش ايعا سوزىلعان ءبىرىنشى اعىمدى اياقتادىق. ال قازىردىڭ وزىندە ەكىنشى اعىممەن جۇمىس ىستەپ جاتىرمىز. ۇيىمداستىرۋدا قاي جەردە كەمشىلىكتەر بار ەكەنىن، سونىمەن قاتار جۇمىس ىستەي الاتىنىمىزدى دا تۇسىندىك. قازىرگى ۋاقىتتا ەرىكتىلەر مەن بالالاردىڭ سانىن كوبەيتتىك.

ەڭ باستىسى قورىقپاۋ كەرەك. ماڭىزدى ىستەرمەن اينالىساتىنىڭىزعا سەنىڭىز. مۇمكىن ءبىز بالالار ءۇشىن تەگىن بىردەڭە جاساعان شىعارمىز، بىراق جوبانى جۇزەگە اسىرۋ مەن ۇيىمداستىرۋدا ۇلكەن تاجىريبە جيناپ، بالالاردان كوپتەگەن ماڭىزدى نارسەلەردى ۇيرەندىك. ەڭ باستىسى، باستاعان ءىستى جارتى جولدا قالدىرماي جالعاستىرۋ كەرەك. ويتكەنى ارماندار ورىندالادى، ماقساتتار جۇزەگە اسادى.

Abai.kz