وقۋلىقتار كەز كەلگەن كومپيۋتەردە نەمەسە موبيلدىك گادجەتتە قولجەتىمدى بولۋى ءتيىس. بۇل تۋرالى پرەمەر-مينيستر ءاليحان سمايىلوۆ ايتتى.

«مەكتەپتەردە وقۋ پروتسەسىن تسيفرلاندىرۋ بويىنشا دا اۋقىمدى جۇمىس جۇرگىزىلۋدە. وقۋشىلاردى ەلەكتروندىق وقۋلىقتارمەن قامتاماسىز ەتۋ قاجەت. وندا انيماتسيالىق، مۋلتيمەديالىق كومپونەنتتەر مەن تاپسىرمالار كورىنىس تابۋى كەرەك. بۇل وقۋلىقتار كەز كەلگەن كومپيۋتەردە نەمەسە موبيلدىك گادجەتتە قولجەتىمدى بولۋى ءتيىس. وقۋ پروتسەسى ينتەراكتيۆتى، زاماناۋي ءبىلىم بەرۋ تەحنولوگيالارىن قولدانا وتىرىپ قۇرىلۋى كەرەك»، - دەدى ءاليحان سمايىلوۆ ۇكىمەت وتىرىسىندا.

پرەمەر-مينيستر قالا مەن اۋىل وقۋشىلارىنىڭ اراسىنداعى ءبىلىم ساپاسىنىڭ الشاقتىعىن قىسقارتۋ ماقساتىندا ەڭ الدىمەن، اۋىلدىق مەكتەپتەردى ينتەراكتيۆتى جانە كومپيۋتەرلىك جابدىقتارمەن قامتاماسىز ەتۋ قاجەتتىگىن باسا ايتتى.

«بۇل ءتىپتى شالعايداعى شاعىن مەكتەپتەردە دە وقىتۋدىڭ يننوۆاتسيالىق ادىستەرىن ەنگىزۋگە مۇمكىندىك بەرەدى»، - دەدى ۇكىمەت باسشىسى.

Abai.kz