قر ىشكى ىستەر مينيسترلىگىنىڭ اكىمشىلىك پوليتسيا كوميتەتى جۇرگىزۋشى كۋالىگىن بەرۋ تالاپتارىنا تۇزەتۋلەر ەنگىزبەك.

«اشىق نقا» پورتالىندا قوعام تالقىلاۋىنا ۇسىنىلعان قۇجات جوباسىندا مەحانيكالىق كولىك قۇرالدارىنىڭ جۇرگىزۋشىلەرىن دايارلاۋ، ەمتيحانداردى قابىلداۋ جانە جۇرگىزۋشى كۋالىكتەرىن بەرۋ جونىندەگى قاعيدالارىنا ءتيىستى وزگەرىس ەنگىزۋ ەسكەرىلگەن. قۇجاتتى تالقىلاۋ 24 ناۋرىزعا دەيىن جالعاسادى.

اتاپ ايتقاندا، قازىر تەوريالىق وقىتۋدى ونلاين تارتىپتە جۇرگىزۋگە مۇمكىندىك بار. ەندى بۇل سالاداعى وقىتۋ ساپاسىن كوتەرۋ ماقساتىندا ءتيىستى وزگەرىس قاراستىرىلعان.

«وقىتۋ ساپاسىن ارتتىرۋ ماقساتىندا ونلاين جانە قاشىقتان وقىتۋ نىساندارى جويىلادى»، - دەلىنگەن قۇجات جوباسىندا.

ۇسىنىلعان جاڭا رەداكتسيادا ءاربىر ءپان بويىنشا تەوريالىق ساباقتار كۇنىنە ەكى ساعاتتان، ال پراكتيكالىق ساباقتار التى ساعاتتان اسپايتىنداي جوسپارلاناتىنى جازىلعان.

Abai.kz