"قازگيدرومەت" رمك گيدرولوگيالىق بولجامىنا سايكەس ناۋرىز ايىندا ەلىمىزدىڭ ون ءوڭىرىن سۋ باسۋ قاۋپى جوعارى، دەپ حابارلايدى Ulysmedia.kz.

مامانداردىڭ سوزىنشە، تاۋەكەلدەرى جوعارى وڭىرلەر – قاراعاندى، اقمولا، سولتۇستىك قازاقستان، قوستاناي، اقتوبە، باتىس قازاقستان، شىعىس قازاقستان، اباي، الماتى جانە جەتىسۋ وبلىستارى.

"قازگيدرومەت"  تاۋ وزەندەرىنىڭ جاعدايىن ەرەكشە نازارعا الىپ وتىر.

“اقپان ايىندا تەمپەراتۋرانىڭ جوعارىلاۋى جانە قاتتى جاڭبىر جاۋعان جاعدايدا، قازاقستاننىڭ وڭتۇستىگى، وڭتۇستىك-شىعىسى مەن شىعىسىنداعى تاۋلى وزەندەردە جوعارى ەرىگەن-جاڭبىرلى سۋ تاسقىنى ءوتۋى مۇمكىن. ناۋرىز، ءساۋىر ايلارىندا مەتەوستانتسيالارداعى كوپجىلدىق باقىلاۋلارعا سايكەس تاۋلىگىنە ءبىر ايلىق جاۋىن-شاشىن مولشەرى ءتۇسۋى مۇمكىن، بۇل قاۋىپتى تابيعي گيدرومەتەورولوگيالىق قۇبىلىستاردىڭ پايدا بولۋىنا الىپ كەلۋى مۇمكىن”، – دەيدى ماماندار.

جالپى، ناۋرىزدا ەلدىڭ باسىم بولىگىندە نەگىزىنەن جىلى جانە جاڭبىرلى بولادى دەپ كۇتىلۋدە.

بۇدان بۇرىن حابارلاعانىمىزداي، قر توتەنشە جاعدايلار ءمينيسترى يۋري يلين رەسپۋبليكا بويىنشا 255 ەلدى مەكەندى سۋ باسۋى مۇمكىن ەكەنىن ايتقان، ونىڭ سوزىنشە، بۇل – 127 مىڭنان استام ءۇي جانە 700 مىڭنان استام ازامات.

Abai.kz