ۇكىمەتتىڭ «مۇلىكتى رەسپۋبليكالىق مەنشىككە قابىلداۋ تۋرالى» قاۋلىسى شىقتى.

«وسى قاۋلى قوسىمشاسىنا سايكەس رەسەي فەدەراتسياسىنىڭ فەدەرالدى مەنشىگىندەگى مۇلىك رەسپۋبليكالىق مەنشىككە وتەۋسىز نەگىزدە قابىلدانسىن»، - دەلىنگەن قۇجاتتا.

وسىلايشا، قازاقستان ءوزىنىڭ مەملەكەتتىك مەنشىگىنە 1991 جىلى شىعارىلعان 11F647M «ەكران-م» عارىش كەمەسى، ونىڭ قۇرامداس بولىكتەرى مەن بولشەكتەرىن، 1993 جىلى شىعارىلعان قۇراستىرۋ-قورعاۋ بلوگى، ونىڭ قۇرامداس بولىكتەرى جانە قوسالقى قۇرالدار مەن ارماتۋرانى، 1991 جىلى شىعارىلعان وبەكتىلەردى تەستىلەۋ جۇيەسى مەن 1986 جىلى شىعارىلعان جۇيەنىڭ ەكى داناسىن الاتىن بولدى.

جارلىق قول قويىلعان 2023 جىلعى 3 ناۋرىزدان باستاپ كۇشىنە ەندى.

Abai.kz