قازاقستاندىقتار ۋنيۆەرسيتەتكە تۇسكەندە، جۇرگىزۋشى كۋالىگىن العاندا ولاردىڭ ەسىرتكى قولداناتىندىعى تەكسەرىلەدى. بۇل تۋرالى ىشكى ىستەر ءمينيسترى مارات احمەتجانوۆ ايتتى، دەپ حابارلادى Halyq Uni تىلشىسى.

بۇل – ۇسىنىس. جوعارى وقۋ ورنىنا تۇسكەندە، مەملەكەتتىك قىزمەتكە تۇرعاندا، جۇرگىزۋشى كۋالىگىن العاندا (قازاقستاندىقتار سكرينينگتەن وتەدى – اۆت.) ولاردىڭ بيوماتەريالدارى زەرتتەلەدى...، - دەدى مينيستر.

مارات احمەتجانوۆتىڭ پىكىرىنشە، بۇل ازاماتتاردىڭ قاۋىپسىزىدىگى ءۇشىن ماڭىزدى.

«بۇگىندە سينتەتيكالىق ەسىرتكى تارالىپ جاتىر، ولاردى الۋ وڭاي. ءبىر دوزاسى – 10 مىڭ تەڭگە. ولار (ەسىرتكى ساتۋشىلار – اۆت.) ينتەرنەت ارقىلى ەسىرتكىنىڭ قايدا ەكەنىن جىبەرەدى. ساراپتاما كورسەتكەندەي، ەسىرتكىنى تۇتىنۋ ەرتە انىقتالسا، ولاردىڭ 95%-ى قالىپتى جاعدايعا ورالۋى مۇمكىن. ءۇشىنشى كەزەڭدە تەك 15%-ى (ناشاقور – اۆتور) قالىپتى جاعدايعا ورالۋى ىقتيمال»، - دەدى ۆەدومستۆو باسشىسى.

ونىڭ ايتۋىنشا، قازىر مەكتەپ وقۋشىلارى اراسىندا دا ەسىرتكى تاراپ جاتىر.

«ءبىز مۇنى جاسىرمايمىز. بۇگىندە ناقتى ەسەپ جوق. مەن بيوماتەريالداردىڭ سكرينينگىن وتكىزۋدى ۇسىنىپ وتىرمىن. بۇل – دەنساۋلىق ساقتاۋ مينيسترلىگىنىڭ ۇسىنىسى. ءبىز مۇنى قولدادىق. ەندى جوعارى وقۋ ورنىنا تۇسكەندە، مەملەكەتتىك جانە اسكەري قىزمەتكە ورنالاسقاندا، جۇمىسقا تۇرعاندا (قازاقستاندىقتار سكرينگتەن وتەدى – اۆت.). ءبىز قوعام مەن بالالارىمىزدىڭ قاۋىپسىزدىگىن ساقتاۋ ماڭىزدى ەكەنىن ءتۇسىنۋىمىز كەرەك... (قازاقستاندىقتار تەكسەرىستەن ءوتىپ، ەسىرتكىنى تۇتىناتىنى انىقتالسا – اۆت.) بيوماتەريالداردان ەسىرتكى انىقتالسا، (ادامدار) اكىمشىلىك جاۋاپكەرشىلىككە تارتىلمايدى. ءتيىستى اقپارات ولاردىڭ اتا-اناسىنا جىبەرىلەدى»، - دەدى مارات احمەتجانوۆ.

Abai.kz