قازاقستان تۇركياداعى اپات ايماعىندا الەۋمەتتىك نىسان سالىپ بەرۋگە دايىن. بۇل تۋرالى قر پرەزيدەنتى قاسىم-جومارت توقاەۆ تۇركى مەملەكەتتەرى ۇيىمىنىڭ «اپات جانە توتەنشە جاعدايلار مەنەدجمەنتى، گۋمانيتارلىق كومەك» اتتى كەزەكتەن تىس سامميتىندە مالىمدەدى. بۇل تۋرالى اقوردا جازدى.

«جۇمىلا كوتەرگەن جۇك جەڭىل» دەيدى حالقىمىز. ءبىز باۋىرلاس تۇركياعا ودان ءارى قولداۋ كورسەتۋگە دايىنبىز. وسى ورايدا، اپات ايماعىندا الەۋمەتتىك نىسان سالىپ بەرۋگە دايىن ەكەنىمىزدى ايتقىم كەلەدى. بۇل باۋىرلاس تۇرىك حالقىنا شىنايى ءىلتيپاتىمىزدىڭ كورىنىسى بولاتىنىنا سەنىمدىمىن»، - دەدى قاسىم-جومارت توقاەۆ.

ەسكە سالساق، قاسىم-جومارت توقاەۆ تمۇ-نىڭ كەزەكتەن تىس سامميتىنە قاتىسۋ ءۇشىن انكاراعا جۇمىس ساپارىمەن باردى.

مەملەكەت باسشىسى تۇركيا پرەزيدەنتى رەجەپ تايپ ەردوعانمەن كەزدەستى.

Abai.kz