27 ناۋرىزدا باستالعان قاراقيا اۋدانى، جەتىباي اۋىلى (50-گە جۋىق ادام) جۇمىسسىز تۇرعىندارىنىڭ زاڭسىز ارەكەتى جالعاسۋدا.

29 ناۋرىزدان باستاپ «ە-otinish» پورتالى ارقىلى اشتىق جاريالاۋ تۇرىندەگى نارازىلىق اكتسياسىنا بارلىعى 13 ءوتىنىش ءتۇستى.

قازىرگى ۋاقىتتا وتىنىشتەر ۋاكىلەتتى مەملەكەتتىك ورگانداردا قارالۋدا. ايتا كەتەيىك، تاماقتانۋدان باس تارتۋ ارقىلى اكتسيا وتكىزۋ قولدانىستاعى زاڭنامامەن رەتتەلمەيدى.

ءوز كەزەگىندە قاراقيا اۋدانىنىڭ اكىمدىگى وبلىس اكىمدىگىنىڭ باسقارمالارى، اۋدان پروكۋراتۋراسى جانە باسقا دا مۇددەلى ورگاندارمەن بىرلەسىپ، نارازىلىق بىلدىرگەن جۇمىسسىزدارعا ءتۇسىندىرۋ جۇمىستارىن جالعاستىرىپ جاتىر. ەڭ الدىمەن، قاراقيا اۋدانىنىڭ اكىمدىگى بارلىق جۇمىسسىزدىڭ بىردەن مۇناي سالاسىندا جۇمىس ىستەۋى مۇمكىن ەمەستىگىنە، جۇمىسسىزدار اكىمدىك ۇسىنعان جۇمىس ورىندارىنان باس تارتاتىنىنا نازار اۋدارتقىسى كەلەدى.

سونداي-اق «ماڭعىستاۋمۇنايگاز» اق-نان بوس جۇمىس ورىندارىن بولۋدە جۇمىسسىزدار تاراپى «70-تە 30»، ياعني جەتىباي كەنتىنىڭ تۇرعىندارى 70 پايىزىنا، ال قالعان 30 پايىزى قاراقيا اۋدانىنىڭ باسقا اۋىلدارىنداعى جانە وبلىستىڭ باسقا اۋداندارىنداعى جۇمىسسىزدارعا بەرۋ تالابى قويىلعان. قويىلعان تالاپتى باسقا اۋىل، اۋدان تۇرعىندارىنا نەگىزسىز دەپ سانايمىز. بۇل رەتتە قاراقيا اۋدانىنىڭ قۇرىق اۋىلى مەن ماڭعىستاۋ وبلىسىنىڭ جۇمىسسىز تۇرعىندارى بوس جۇمىس ورىندارىن بولۋدە ادىلەتتىلىكتى تالاپ ەتۋدە.

قازىرگى ۋاقىتتا نارازىلىق بىلدىرۋشىلەر مەملەكەتتىك ورگانداردىڭ ءتۇسىندىرىپ جاتقان ايقىن جانە وبەكتيۆتى فاكتىلەرىن قابىلداۋدان باس تارتىپ وتىر. جينالعاندار "مۇناي سالاسىندا جۇمىس ىستەيمىن" دەگەندەردىڭ بارلىعىن بىردەن جۇمىسقا ورنالاستىرۋ مۇمكىن ەمەس، باسقا سالالارعا جۇمىسقا ورنالاسۋ مۇمكىندىكتەرىن پايدالانۋ قاجەت دەگەن شىندىقتى قابىلداۋى قاجەت.

بارلىق ماسەلە كونسترۋكتيۆتى ديالوگ ارقىلى، قولدانىستاعى زاڭناما اياسىندا شەشىلۋى ءتيىس.

سونداي-اق قاراقيا اۋدانىنىڭ اكىمدىگى نارازىلىق بىلدىرۋشىلەرگە زاڭسىز ارەكەتتەر جاساعان جاعدايدا زاڭدا بەلگىلەنگەن جاۋاپكەرشىلىكتى ەسكەرتەدى.

Abai.kz