"رەسەي بيلىگىنىڭ امەريكالىق ازاماتتاردىڭ سوڭىنان ءتۇسۋىن ورەسكەل دەپ باعالايمىز" دەلىنگەن اق ءۇي تاراتقان مالىمدەمەدە. وندا سونىمەن بىرگە تاۋەلسىز جۋرناليستەردىڭ قۋعىندالۋىن قاتاڭ ايىپتايدى.

مەملەكەتتىك حاتشى ەنتوني بلينكەن رەسەيدە تۇرىپ جاتقان امەريكالىق ازاماتتاردى تەزىرەك بۇل ەلدەن كەتۋىن سۇرادى. رەسەي ۋكرايناعا باسىپ كىرگەننەن كەيىن، اقش بيلىگى وسىلاي بىرنەشە رەت ەسكەرتۋ جاساعان.

رەسەيدە جۇمىس ىستەۋگە رەسمي اككرەديتاتسيا العان جۋرناليست گەرشكوۆيچ ەكاتەرينبۋرگتە ۇستالعان. بەيسەنبى كۇنى ول ماسكەۋدەگى تەرگەۋ اباقتىسىنا قامالدى. وعان تىڭشىلىق جاسادى دەگەن ايىپ تاعىپ وتىر.

رەسەيدىڭ تەرگەۋ قىزمەتى جۋرناليست اسكەري-ءوندىرىس كەشەنى جونىندە اقش-قا قۇپيا مالىمەت جىبەرۋمەن اينالىستى دەپ ايىپتايدى. بۇل ايىپ بويىنشا، 20 جىلعا دەيىن تۇرمە جازاسى كەسىلۋى مۇمكىن.

گەرشكوۆيچكە ادۆوكات جىبەرىلمەگەن. وعان قورعاۋشى تاعايىندالعانىن مالىمدەدى.

گەرشكوۆيچ رەسەيدە تۋعان. بىراق اكە-شەشەسىمەن بىرگە شەتەلگە كوشىپ كەتكەن. WSJ باسىلىمىنا دەيىن ول Agence France-Presse, The Moscow Times جانە The New York Times باسىلىمدارىندا جۇمىس ىستەگەن.

Abai.kz