"Ресей билігінің америкалық азаматтардың соңынан түсуін өрескел деп бағалаймыз" делінген Ақ үй таратқан мәлімдемеде. Онда сонымен бірге тәуелсіз журналистердің қуғындалуын қатаң айыптайды.

Мемлекеттік хатшы Энтони Блинкен Ресейде тұрып жатқан америкалық азаматтарды тезірек бұл елден кетуін сұрады. Ресей Украинаға басып кіргеннен кейін, АҚШ билігі осылай бірнеше рет ескерту жасаған.

Ресейде жұмыс істеуге ресми аккредитация алған журналист Гершкович Екатеринбургте ұсталған. Бейсенбі күні ол Мәскеудегі тергеу абақтысына қамалды. Оған тыңшылық жасады деген айып тағып отыр.

Ресейдің тергеу қызметі журналист әскери-өндіріс кешені жөнінде АҚШ-қа құпия мәлімет жіберумен айналысты деп айыптайды. Бұл айып бойынша, 20 жылға дейін түрме жазасы кесілуі мүмкін.

Гершковичке адвокат жіберілмеген. Оған қорғаушы тағайындалғанын мәлімдеді.

Гершкович Ресейде туған. Бірақ әке-шешесімен бірге шетелге көшіп кеткен. WSJ басылымына дейін ол Agence France-Presse, The Moscow Times және The New York Times басылымдарында жұмыс істеген.

Abai.kz