قازاقستان شانحاي ىنتىماقتاستىق ۇيىمىنىڭ تۋريزم سالاسىنداعى ىنتىماقتاستىقتى دامىتۋ تۋرالى كەلىسىمىنە قوسىلۋى مۇمكىن. كەلىسىم جوباسى «اشىق» نقا پورتالىندا جاريالاندى.

«قازاقستان 2022 جىلعى 16 قىركۇيەكتە سامارقاندتا جاسالعان شانحاي ىنتىماقتاستىق ۇيىمىنا مۇشە مەملەكەتتەردىڭ ۇكىمەتتەرى اراسىنداعى تۋريزم سالاسىنداعى ىنتىماقتاستىقتى دامىتۋ تۋرالى كەلىسىمگە قوسىلسىن. وسى قاۋلى قول قويىلعان كۇنىنەن باستاپ قولدانىسقا ەنگىزىلەدى»، - دەلىنگەن قۇجاتتا.

كەلىسىم جوباسى 13 ساۋىرگە دەيىن اشىق تالقىلاۋدا بولادى. كەيىن قۇجات قول قويۋ ءۇشىن پرەمەر-مينيسترگە جولدانادى.

ەسكە سالايىق، بۇعان دەيىن الماتى قالاسىن 2023-2024 جىلدارى شىۇ-نىڭ مادەني جانە تۋريزم استاناسى رەتىندە بەكىتۋ ۇسىنىلعانى بەلگىلى بولعان.

سونىمەن قوسا، بيىل شىلدەدەن 2024 جىلدىڭ شىلدەسىنە دەيىن قازاقستان شانحاي ىنتىماقتاستىق ۇيىمىنا توراعالىق ەتەدى.

Abai.kz