استانانىڭ سارىارقا اۋداندىق №2 سوتى قايرات بورانباەۆقا قاتىستى ۇكىم شىعاردى.  

بۇعان دەيىن، 28 ناۋرىزدا وتكەن سوت وتىرىسىندا پروكۋرور قايرات بورانباەۆتى 8 جىلعا باس بوستاندىعىنان ايىرىپ، مۇلكىن تاركىلەۋدى سۇرادى.

ەسكە سالساق، وتكەن جىلى 17 ناۋرىزدا سوتتىڭ شەشىمىمەن قايرات بورانباەۆ 2 ايعا قامالعان. قايرات بورانباەۆتىڭ ءىسى سوتتا بىلتىر جەلتوقساننان باستاپ قارالا باستادى. تەرگەۋ نۇسقاسى بويىنشا، 2019 جىلى قايرات بورانباەۆ، رومان ناحانوۆ، تايىر جانۇزاق پەن يبۋللا سەردى وزدەرىنىڭ باقىلاۋىنداعى «ازياگاز چۋندجا» جشس ارقىلى Qazaq Gaz ۇلتتىق كومپانياسىنان (بۇرىنعى قازترانسگاز) گاز تاسىمالداۋ كەزىندە قاراجات جىمقىرعان. ىستە پروكۋرورلار جىمقىرىلعان سوما كولەمى 14,5 ملرد تەڭگە ەكەنىن ايتادى.

ءۇش ايىپتالۋشى – قايرات بورانباەۆ، رومان ناحانوۆ، تايىر جانۇزاق وزىنە تاعىلعان ايىپپەن كەلىسپەيدى. يبۋللا سەردى شەت ەلدەردىڭ بىرىندە بىلتىردان بەرى بوي تاسالاپ ءجۇر.

كەيىن قايرات بورانباەۆتىڭ سىرتقا زاڭسىز شىعارىلعان اكتيۆتەرى قايتارىلا باستاعانى حابارلاندى.

Abai.kz