ءپاتريوتيزمنىڭ قالىپتاسۋى ­­- بۇل ادامنىڭ كۇش-جىگەرىن سونداي-اق وتباسى مەن ءبىلىم بەرۋ مەكەمەلەرىنەن باستاپ بيلىك ورگاندارىنا دەيىنگى ءارتۇرلى الەۋمەتتىك ينستيتۋتتاردىڭ قاجىرلى ەڭبەگىن قاجەت ەتەتىن كۇردەلى پروتسەسس. مەملەكەت باسشىسى قاسىم-جومارت توقاەۆ «تاۋەلسىزدىك بارىنەن قىمبات» اتتى ماقالاسىندا «شىن وتانسۇيگىشتىك دەگەنىمىز – جالاڭ ۇران تاستاۋ ەمەس، ەلىڭە، حالقىڭا قىزمەت ەتۋ» دەپ جازعان بولاتىن.

«حالقىمىزدىڭ ءبىرتۋار پەرزەنتى ءاليحان بوكەيحانوۆ «ۇلتقا قىزمەت ەتۋ بىلىمنەن ەمەس، مىنەزدەن» دەگەن. ءبىز شىنايى پاتريوتتىق سەزىممەن رۋحتانىپ، قاسيەتتى تاۋەلسىزدىگىمىزدى ودان ءارى نىعايتا ءتۇسۋ ءۇشىن بىرلەسە جۇمىس ىستەۋىمىز كەرەك. بارشا وتانداستارىما، اسىرەسە، جاستارعا ايتارىم: كەڭ بايتاق قازاقستاندى اسقاق ارماندارىڭ مەن باتىل جوسپارلارىڭدى ەمىن-ەركىن جۇزەگە اسىرا الاتىن، تابىسىڭا مارقايىپ، ءاردايىم تىلەۋىڭدى تىلەيتىن قاسيەتتى وتانىڭ رەتىندە باعالاڭدار! مەن جاڭا قازاقستان ءپاتريوتيزمىنىڭ جاسامپازدىق قۇدىرەتىنە سەنەمىن»، - دەدى قاسىم-جومارت توقاەۆ.

وسى رەتتە ەلىمىزدە ازاماتتاردىڭ، اسىرەسە جاستاردىڭ بويىنداعى ءپاتريوتيزمدى كۇشەيتۋگە جىل سايىن قاراجات ءبوىلىنىپ، ۇكىمەت تاراپىنان كوڭىل بولىنەدى. 2023 جىلى قازاقستاندىق ءپاتريوتيزمدى دامىتۋعا 39,8 ملن تەڭگە مولشەرىندە قاراجات بولىنبەك. قر مادەنيەت جانە سپورت مينيسترلىگى بۇل ماقساتتاعى قاراجات كولەمىن بۇرىنعىدان 5 ەسەگە كوبەيتكەن. قاراجات ازاماتتاردى وتانسۇيگىشتىككە باۋلۋ، پاتريوتتىق سانانى قالىپتاستىرۋ ماقساتىندا جانە  مەملەكەتتىڭ ستراتەگيالىق قۇجاتتارىن ءتۇسىندىرۋ ماقساتىنداعى ءىس-شارالاردى وتكىزۋگە باعىتتالعان. سونداي-اق مەملەكەتتىك رامىزدەر جونىندەگى رەسپۋبليكالىق كوميسسيانىڭ وتىرىستارى وتكىزىلەدى. وسى ءىس-شارالاردىڭ قورىتىندىسى بويىنشا حالىقتىڭ پاتريوتيزم تۋرالى تۇسىنىگى، ۇلتتىق رامىزدەردى قولدانۋ تۋرالى حابارى 1 پايىزعا ،ياعني 82-دەن 83 پايىزعا كوتەرىلۋى كەرەك. تيىسىنشە كەلەسى جىلى بۇل كورسەتكىش تاعى 1 پايىزعا ءوسۋى ءتيىس.

«مادەنيەت جانە ونەر سالالارى بويىنشا باسەكەگە قابىلەتتىلىكتى ارتتىرۋ، قازاقستاندىق مادەني مۇرانى زەردەلەۋ، تانىمال ەتۋ جانە مۇراعات ءىسىن ىسكە اسىرۋدىڭ تيىمدىلىگىن ارتتىرۋ» باعدارلاماسىنا 51,3 ملن تەڭگە بولىنبەك.

مادەنيەت جانە سپورت ءمينيسترى اسحات ورالوۆ «بۇگىندە ەلىمىزدىڭ مادەني ساياساتىن جەتىلدىرۋ – باستى ستراتەگيالىق ماقساتتاردىڭ ءبىرى بولىپ وتىر. وسى ورايدا، مادەنيەت جانە سپورت مينيسترلىگى مەملەكەت باسشىسىنىڭ تاپسىرماسىنا سايكەس مادەني ساياساتتى دامىتۋ تۇجىرىمداماسىن وزەكتەندىرۋ جۇمىستارىن جۇرگىزىپ كەلەدى. اتاپ ايتقاندا، مادەني ساياساتتى دامىتۋ تۇجىرىمداماسىنىڭ جوباسىندا ۇلتتىق جوبا مەن پرەزيدەنتتىڭ سايلاۋالدى باعدارلاماسىنداعى كورسەتكىشتەر ينتەگراتسيالانىپ، حالىقارالىق تاجىريبەگە شولۋ جاسالدى جانە مادەني ساياساتتىڭ باسىم باعىتتارى قامتىلدى.

سول ءۇشىن مادەنيەت جانە سپورت مينيسترلىگى مادەنيەت سالاسىن دامىتۋ ىسىندە ءتول مۇرالارىمىزدى تەرەڭ زەرتتەۋدى، ونى قالىڭ كوپشىلىككە، اسىرەسە وسكەلەڭ ۇرپاققا دارىپتەۋدى، بىرەگەي رۋحاني قۇندىلىقتارىمىز ارقىلى الەم بەدەرىندە وزىندىك ورنىمىزدى الۋدى كوزدەيدى»،-دەگەن بولاتىن.

اتالعان قاراجات مىناداي ءىس-شارالاردى اتقارۋدى كوزدەيدى:

مادەنيەت جانە ونەر سالاسىنىڭ باسەكەگە قابىلەتتىلىگىن ارتتىرۋ;

قازاقستاندىق مادەني مۇرانى ساقتاۋ، زەردەلەۋ جانە دارىپتەۋ;

ارحەولوگيالىق ەسكەرتكىشتى عىلىمي-رەستاۆراتسيالاۋ جانە مۇراجايلاندىرۋ جۇمىستارى;

مادەنيەت سالاسىنىڭ ينفراقۇرىلىمىن دامىتۋ، سونداي-اق تيىمدىلىگىن ارتتىرۋ;

مۇراعات جۇمىستارى مەن قۇجاتتامانى ىسكە اسىرۋ;

ۇلتتىق فيلمدەر شىعارۋ جانە قازاق تىلىندەگى فيلمدەردىڭ دۋبلياجىن قامتاماسىز ەتۋ;

مۇراعات جانە مادەنيەت ۇيىمدارىنىڭ قىزمەتى ۇيىمداستىرۋ;

مۋلتيمەديالىق مۇراجاي قۇرۋ;الەۋمەتتىك ماڭىزى بار جانە مادەني ءىس-شارالاردى ۇيىمداستىرۋعا ارنالعان ەكسپوزيتسيالار جاساۋ;

مادەنيەت جانە ونەر قايراتكەرلەرىنە مەملەكەتتىك سىيلىقتار مەن ستيپەنديالار تاعايىنداۋ. سونىمەن قاتار، تاريحي-مادەني ەسكەرتكىشتەردى قايتا قۇرۋ، سالۋ جونىندەگى جۇمىستار اتقارىلادى. وعان اعىمداعى جىلى 912 ملن تەڭگە قاراستىرىلعان. قۇجاتتا ناقتىلانعانداي، قارجى كونە مەشىتتەردى، كەسەنەلەردى قالپىنا كەلتىرۋ،  تاريحي كەشەندەر مەن ساۋلەت-مادەني ەسكەرتكىشتەر رەستاۆراتسيالاۋ جۇمىستارىنا جۇمسالادى.

Abai.kz