مادەنيەت جانە سپورت مينيسترلىگىنىڭ قولداۋىمەن EXPO حالىقارالىق كورمە ورتالىعىندا ءوتىپ جاتقان Eurasian Book Fair-2023 ەۋرازيالىق حالىقارالىق كىتاپ كورمە - جارمەڭكەسىنە مينيستر اسحات ورالوۆ قاتىستى.

“داستۇرگە اينالعان اۋقىمدى ءىس-شارا وسىمەن التىنشى رەت وتكىزىلىپ وتىر. جارمەڭكەگە قاتىسۋ ءۇشىن ەلورداعا 40-قا جۋىق ەلدەن باسپا ءىسى جانە كىتاپ بيزنەسىنىڭ وكىلدەرى، جازۋشىلار مەن كىتاپسۇيەر وقىرمان جينالدى.

جارمەڭكەنى ارالاپ، قوناقتارمەن، جازۋشىلار مەن زيالى قاۋىم وكىلدەرىمەن كەزدەستىم.

اتالعان ءىس — شارا ەلىمىزدىڭ كىتاپ ءىسى سالاسىنىڭ كاسىپكەرلەرىنە جاڭا سەرىكتەستەر تابۋعا، اۆتورلار ءۇشىن جاڭا اۋديتوريا جيناۋعا جاقسى مۇمكىندىك. وقىرماندار ءۇشىن كىتاپسۇيەر قاۋىممەن ادەبي ۇسىنىستارىمەن ءبولىسىپ، ءارتۇرلى شەبەرلىك ساباقتارىنا قاتىسۋعا، جاڭا كىتاپتارمەن تانىسىپ، قولتاڭبا سەسسيالارى مەن دارىستەرگە قاتىسۋدىڭ تاپتىرماس الاڭى.

مادەنيەت جانە سپورت مينيسترلىگى ءتۇرلى جانرداعى كىتاپتار باسىپ شىعارۋ، مەملەكەتتىك كىتاپحانالاردىڭ قورىن تولىقتىرۋ، جاس جازۋشىلار مەن اقىنداردىڭ كونكۋرستارىن وتكىزۋ، ادەبي فەستيۆالدار مەن فورۋمدار ۇيىمداستىرۋ سىندى وسى باعىتتا ايانباي ەڭبەك ەتىپ جاتىر.

مىسالى، «جاڭا قازاق ادەبيەتى» جوباسى اياسىندا، تەك 2022 جىلى عانا قر مسم قولداۋىمەن 506 مىڭ دانا تيراجبەن 188 جاڭا كىتاپ جارىق كوردى. ال، بيىل تۇڭعىش رەت قالامگەرلەرگە ەل پرەزيدەنتىنىڭ ادەبي سىيلىعى تابىستالاتىن بولادى.

Eurasian Book Fair 23 ءساۋىر — دۇنيەجۇزىلىك كىتاپ جانە اۆتورلىق قۇقىق كۇنىنە دەيىن جالعاسادى. ەلوردانىڭ بارلىق تۇرعىندارى مەن قوناقتارىن وسى ماڭىزدى وقيعامەن قۇتتىقتايمىن. ءبىز وسىنداي ءىس-شارالاردى ودان ءارى قولداۋدى جوسپارلاپ وتىرمىز. ولاردى تەك استانادا عانا ەمەس، قازاقستاننىڭ باسقا وڭىرلەرىندە دە وتكىزەتىن بولامىز”، دەپ جازدى مادەنيەت جانە سپورت ءمينيسترى اسحات ورالوۆ ءوزىنىڭ Facebook  پاراقشاسىندا.

Abai.kz