ءۇش جىلعا باس بوستاندىعىنان ايىرىلعان «قازاقستان تەمىرجولى» ۇلتتىق كومپانياسى» اق-تىڭ بۇرىنعى پرەزيدەنتى جاقسىبەك قۇلەكەەۆ استاناداعى تەرگەۋ يزولياتورىنان قونىس-كولونياعا اۋىستىرىلاتىن بولدى. جازاسىن وتەۋشىنىڭ وسى تۋرالى ءوتىنىشىن سوت قاناعاتتاندىرعان.

ەلىمىزدىڭ بۇرىنعى باس تەمىرجولشىسى 2008 جىلدىڭ ءبىرىنشى ساۋىرىندە تۇتقىندالعان بولاتىن. العاشقىدا وعان «پارا الدى» جانە «قىزمەت بابىن تەرىس پايدالاندى» دەگەن ايىپتار تاعىلدى. بىرنەشە ايعا سوزىلعان تەرگەۋدەن كەيىن قاراشا ايىندا قۇلەكەەۆ الدىڭعى ايىپتان تولىق اقتالىپ، سوڭعى ايىپ بويىنشا كىنالى دەپ تانىلدى. سوت وعان قاتىستى جالپى رەجيمدەگى كولونيادا ءۇش جىل جازا وتەۋ جانە جەتەكشىلىك قىزمەت اتقارۋ قۇقىعىنان بەس جىلعا ايىرۋ تۋرالى ۇكىم شىعاردى. قازىر جاقسىبەك قۇلەكەەۆتىڭ تەمىر توردىڭ ار جاعىندا وتكىزۋى ءتيىس ۋاقىتىنىڭ ەكى جىل، ەكى ايى قالدى. ول بۇل مەرزىمدى وتەۋدى الماتى وبلىسىنداعى قونىس-كولونيالاردىڭ بىرىندە جالعاستىرماق. قر قىلمىستىق-اتقارۋ كودەكسىنە ساي، قونىس-كولونيالاردا بايقاۋسىزدا قىلمىس جاساعان جانە اتالعان زاڭنامانىڭ 73-بابى بويىنشا جازاسى جەڭىلدەتىلگەن سوتتالعاندار جازاسىن وتەيدى.

ءۇش جىلعا باس بوستاندىعىنان ايىرىلعان «قازاقستان تەمىرجولى» ۇلتتىق كومپانياسى» اق-تىڭ بۇرىنعى پرەزيدەنتى جاقسىبەك قۇلەكەەۆ استاناداعى تەرگەۋ يزولياتورىنان قونىس-كولونياعا اۋىستىرىلاتىن بولدى. جازاسىن وتەۋشىنىڭ وسى تۋرالى ءوتىنىشىن سوت قاناعاتتاندىرعان.

ەلىمىزدىڭ بۇرىنعى باس تەمىرجولشىسى 2008 جىلدىڭ ءبىرىنشى ساۋىرىندە تۇتقىندالعان بولاتىن. العاشقىدا وعان «پارا الدى» جانە «قىزمەت بابىن تەرىس پايدالاندى» دەگەن ايىپتار تاعىلدى. بىرنەشە ايعا سوزىلعان تەرگەۋدەن كەيىن قاراشا ايىندا قۇلەكەەۆ الدىڭعى ايىپتان تولىق اقتالىپ، سوڭعى ايىپ بويىنشا كىنالى دەپ تانىلدى. سوت وعان قاتىستى جالپى رەجيمدەگى كولونيادا ءۇش جىل جازا وتەۋ جانە جەتەكشىلىك قىزمەت اتقارۋ قۇقىعىنان بەس جىلعا ايىرۋ تۋرالى ۇكىم شىعاردى. قازىر جاقسىبەك قۇلەكەەۆتىڭ تەمىر توردىڭ ار جاعىندا وتكىزۋى ءتيىس ۋاقىتىنىڭ ەكى جىل، ەكى ايى قالدى. ول بۇل مەرزىمدى وتەۋدى الماتى وبلىسىنداعى قونىس-كولونيالاردىڭ بىرىندە جالعاستىرماق. قر قىلمىستىق-اتقارۋ كودەكسىنە ساي، قونىس-كولونيالاردا بايقاۋسىزدا قىلمىس جاساعان جانە اتالعان زاڭنامانىڭ 73-بابى بويىنشا جازاسى جەڭىلدەتىلگەن سوتتالعاندار جازاسىن وتەيدى.

سامال عادىلبەكوۆا، قر  ادىلەت مينيسترلىگى قىلمىستىق-اتقارۋ جۇيەسى كوميتەتىنىڭ ءباسپاسوز قىزمەتىنىڭ باس ينسپەكتورى:
- قۇلەكەەۆ مىرزا قر ادىلەت مينيسترلىگىنىڭ قىلمىستىق-اتقارۋ جۇيەسى كوميتەتىنە ارىزداندى. كوميتەت سول ارىزدىڭ نەگىزىندە ءتيىستى قۇجاتتاردى جيناقتاپ، سوت ورگاندارىنا تابىس ەتتى. قازىرگى ۋاقىتتا سوتتىڭ شەشىمى شىقتى. ەندى الداعى كۇندەرى قۇلەكەەۆ قىلمىستىق-اتقارۋ جۇيەسى كوميتەتىنىڭ الماتى قالاسى جانە الماتى وبلىسى بويىنشا باسقارماسىنا قاراستى قونىس-كولونياعا اۋىستىرىلادى.

«الاش ايناسى» گازەتى، 29.08.2009