قازاقستان رەسپۋبليكاسى عىلىم جانە جوعارى ءبىلىم مينيسترلىگى ءتىل ساياساتى كوميتەتىنىڭ ۇيىمداستىرۋىمەن «Kegoc» اق عيماراتىندا ۇلتتىق كومپانيالاردىڭ قۇجاتاينالىمىنداعى مەملەكەتتىك ءتىلدىڭ ۇلەسىنە جۇرگىزىلگەن مونيتورينگ قورىتىندىسى تالداندى.

كەزىندە قوعام قايراتكەرى، بەلگىلى اقىن ساكەن سەيفۋللين: «كەڭسە ءتىلى قازاقشا بولماي ءىس وڭالمايدى» دەپ كەڭسە ءتىلىنىڭ ماڭىزدىلىعىنا ەرەكشە ءمان بەرگەن.

بۇگىندە مەملەكەتتىك ءتىلدىڭ مەملەكەتتىك باسقارۋ، زاڭ شىعارۋ، سوت ءىسىن جۇرگىزۋ جانە ءىس-قاعازدارىن جۇرگىزۋ ءتىلى بولىپ تابىلاتىنى «قازاقستان رەسپۋبليكاسىنداعى ءتىل تۋرالى» قر زاڭىنىڭ 4-بابىمەن ايقىندالعان.

2023 جىلدىڭ ءى توقساندا جۇرگىزىلگەن مونيتورينگ قورىتىندىسى بويىنشا ۇلتتىق كومپانيالاردىڭ مەملەكەتتىك تىلدەگى قۇجاتاينالىمىنىڭ ۇلەسى 73% قۇراپ، بىلتىرعى جىلدىڭ وسى كەزەڭىمەن سالىستىرعاندا 37%-كە ارتىپ وتىر (2022 جىلدىڭ ءى توقسانى – 36%).

دەگەنمەن، «سامۇرىق-قازىنا» ۇلتتىق ءال-اۋقات قورى» اق (32%), «قازاقستان تەمىر جولى» اق (43%), «قازپوشتا» اق (57%), «اتامەكەن» قر ۇلتتىق كاسىپكەرلەر پالاتاسى (61%), «بايتەرەك» ۇبح اق (67%), «قازمۇنايگاز» ۇق (69%) جانە ت.ب. كورسەتكىشتەرى ءالى دە تومەن.

ال «قازاتومونەركاسىپ» ۇاك» اق (82%), «ۇلتتىق اقپاراتتىق تەحنولوگيالار» اق (82%), «KEGOK» اق (84%), «دامۋ كاسىپكەرلىكتى دامىتۋ قورى» اق (85%), «قازاقستان ينجينيرينگ» ۇك» اق (87%) قۇجاتتارىن قازاق تىلىندە جۇرگىزۋدە ءوسىم بايقالادى.

جيىن باعدارلاماسىنا سايكەس «Kegoc» اق، «Kazakh Tourism» ۇك» اق  مەملەكەتتىك ءتىلدىڭ قولدانىس اياسىن كەڭەيتۋ باعىتىندا اتقارىپ جاتقان جۇمىستارى تۋرالى بايانداما جاسادى.

ءتىل ساياساتى كوميتەتى توراعاسىنىڭ ورىنباسارى گۇلنار حودجابەرگەنوۆا شارانى قورىتىندىلاي كەلە، ۇلتتىق كومپانيالاردىڭ ىشكى قۇرىلىمدىق بولىمشەلەرى مەن ەنشىلەس ۇيىمدارىنىڭ قۇجاتاينالىمىنداعى مەملەكەتتىك ءتىلدىڭ ۇلەسىن ارتتىرۋ باعىتىنداعى جۇمىستاردى كۇشەيتۋ قاجەتتىگىن ەرەكشە اتاپ ءوتتى.

Abai.kz