كەمال قىلىشداروعلى تۇركيا پرەزيدەنتى بولىپ سايلانسا، ارمەنيا ۇلتتىق ءماجىلىسى ودكب-دان شىعۋ بويىنشا جول كارتاسىن قابىلداماق. بۇل تۋرالى DALA INSIDE جازادى.

ارمەنيا پرەمەر-ءمينيسترى نيكول پاشينيان مەن ونىڭ «ازاماتتىق كەلىسىم» پارتياسى جول كارتاسىنىڭ جوباسىن الدىن-الا دايىنداپ قويعان.

ماسكەۋ پارادىنان كەلگەننەن كەيىن، پاشينيان جاقتاستارىنا وسى جۇمىسقا بارىنشا كوڭىل ءبولۋدى تاپسىردى.

تۇركياداعى سايلاۋدىڭ ەكىنشى تۋرى 28 مامىردا وتەدى. پرەزيدەنت سول كۇنى انىقتالماق. قىلىشداروعلى ارمەنيا مەن ءازىربايجان اراسىنداعى داۋعا ەۋرووداق پوزيتسياسىمەن قاراپ وتىر.

پاشينيان تاۋلى قاراباقتا تۇرعان رەسەي (ودكب) اسكەرلەرىنىڭ كەتىپ، ورنىنا بۇۇ كونتينگەنتىنىڭ كەلگەنىن قالايدى. سەبەبى، ونىڭ ويىنشا قازىرگى ويىنشىق بىتىمگەرلەردى باكۋ ادام قۇرلى كورمەيدى.

قىلىشداروعلىعا جاقىن بولۋ ءۇشىن ارمەنيا ءوزىنىڭ رەسەي قۇرساۋىنان بارىنشا بوساعانىن كورسەتۋگە دايىن. ودكب-دان كەيىن، ەگەر رەسەي قىرىمنان ايرىلسا، ارمەنيا ەۋرازيالىق ەكونوميكالىق وداقتان كەتۋگە دە ارنايى جول كارتاسىن جاساۋدا.

ەرەۆان گرۋزيا جولىن تاڭداپ وتىر. نەگىزگى تۇپكى ماقسات - ەۋرووداق مۇشەسى بولۋ. ول ءۇشىن پاشينيانعا كەمال قىلىشداروعلىنىڭ جەڭىسى اۋاداي قاجەت.

Abai.kz