جۇما, 29 ناۋرىز 2024
انىق-قانىعى 2719 3 پىكىر 24 مامىر, 2023 ساعات 11:56

ۋكراينا ەلشىسىن بەكىتۋگە كىم كەدەرگى؟ ءسىم نە دەيدى؟

ۆلاديمير زەلەنسكي 2022 جىلدىڭ قازان ايىندا پەتر ۆرۋبلەۆسكيدى داۋلى سۇحباتىنان كەيىن قازاقستانداعى ەلشىلىك قىزمەتىنەن بوساتۋعا ءماجبۇر بولعان.

ۆرۋبلەۆسكي قازاقستاننىڭ بلوگەرى دياس قۇزايىرعا بەرگەن سۇحباتىندا رەسەيلىكتەر تۋرالى: «ولاردى كوبىرەك ءولتىرۋىمىز كەرەك. ءبىز ورىس باسقىنشىلارىن نەعۇرلىم كوبىرەك قىرساق، بالالارىمىز دا سوعۇرلىم ازىراق ولەدى»، – دەگەن ەدى. بۇدان كەيىن ماسكەۋ بەتى سازارىپ، قازاقستاننان ۋكراينا ەلشىسىن ەلدەن شىعارۋدى تالاپ ەتتى. ارتىنشا پەتر كەشىرىم سۇرادى.

مىنە، سودان باستاپ ول ورىن بوس تۇر. جاقىندا ۋكراينا ەلشىمىز سەرگەي گايداي بولادى دەپ سۇرانىس جىبەرگەن ەكەن. بىراق قازاقستان بيلىگى ونى قابىلدامادى. ءبىزدىڭ ەل ۋكراينانىڭ قازاقستانداعى ەلشىسىنىڭ ورنىندا كاسىبي ديپلوماتتى كورگىسى كەلەتىنىن «ميپازداپ، بىراق نىق» جەتكىزىپتى.

ءيا، سەرگەي گايداي – كاسىبي ديپلومات ەمەس. ول – ۋكراينانىڭ لۋگانسك وبلىستىق اسكەري باسقارماسىنىڭ بۇرىنعى باسشىسى. الايدا ونى ەلشىلىككە قابىلداماۋدىڭ سىرى باسقادا سەكىلدى: قازاقستان ۇكىمەتى بۇل شەشىمدى شىعاراردا رەسەيدىڭ قاس-قاباعىنا قاراپ وتىرعانعا ۇقسايدى.

ال قر ءسىم ءباسپاسوز حاتشىسى ايبەك سمادياروۆ  وسىعان قاتىستى «ازاتتىق راديوسى» قويعان ساۋالعا: «1961 جىلى 18 ساۋىردە قابىلدانعان ديپلوماتيالىق قاتىناستار تۋرالى ۆەنا كونۆەنتسياسى مەن حالىقارالىق تاجىريبە بويىنشا، ەلشىنى قابىلدايتىن تاراپ سەبەبىن تۇسىندىرمەي-اق ۇسىنىلعان كانديداتقا كەلىسپەي، ودان باس تارتۋىنا بولادى. بۇل شەشىمدى دوستىققا جاتپايتىن اكت دەپ باعالاۋعا بولمايدى. قازاقستان ۋكراينامەن كوپقىرلى دوستىق قارىم-قاتىناسىن دامىتۋعا ىقىلاستى»، – دەپ جاۋاپ بەردى.

Abai.kz

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616