اباي وبلىسىنداعى بورودۋليحا اۋداندا ورمان ءورتىنىڭ ورىن العانىن سايتىمىز جازعان بولاتىن.

وسى ءورت ورىن العان ساتتە كوپۇلتتى اۋدانداعى حالىقتار دوستىعى قۇر ءسوز ەمەستىگىنە كوز جەتكىزە الدىق. ەرىكتىلەر مەن جەكە كاسىپكەرلەر جانە شارۋا قوجالىق باسشىلارى ءبىر اپتاداي 24 ساعات بويى ءورت سوندىرۋشىلەردى ىستىق تاماقپەن جانە ءورت سوندىرۋگە قاجەت سۋمەن قامتاماسىز ەتە الدى.

وزگە ايماقتاردان كەلگەن ءورت سوندىرۋشىلەردى سوزگە تارتقانىمىزدا: «ءبىز كوكشەدەگى، كەرەكۋدەگى باسقا وڭىرلەردەگى ءورت كەزىندە حالىقتىڭ بۇنداي جۇمىلعانىن كورگەنىمىز جوق»، - دەيدى.

ءيا، بورودۋليحاداعى «سەمەي ورمانىنا» قارايىن اۋىل ورمان شارۋاشىلىعىنداعى ءورت 22 مامىردا باستالىپ، 28 مامىردا تولىقتاي ءسوندىرىلدى. اۋدان اكىمى ا.نۇرعوجين ازاماتتىق تانىتىپ، جەرگىلىكتى تۇرعىنداردى وت تاجالدى اۋىزدىقتاۋعا تارتا ءبىلدى. اۋدانداعى 1200-گە تارتا ءتۇرلى سالادا ىستەيتىن قىزمەتكەرلەر، جەرگىلىكتى ەرىكتىلەر مەن اسكەريلەر  وزگە وڭىردەن كەلگەن استانا، قاراعاندى، وسكەمەن، كەرەكۋلىك ءورت سوندىرۋشىلەر جانە 400 قۇرلىق اسكەرى ءۇش اۋىسىمدا ەرەن ەرلىك كورسەتىپ، ءتىلسىز جاۋدى اۋىزدىقتاي الدى.

بۇدان بولەك شقو مەن اباي وبلىستاعىسىنداعى بارشا ورمان شارۋاشىلىعى مەكەمەلەرىدە ءورتتىڭ الدىن الۋعا جەتى كۇن بويى اتسالىستى. قۋراعان ءشوپتىڭ قوزداۋىنان اياق استىنان شىققان ءورت 3500 گەكتار ورماندى جالمادى.

ءابىل-سەرىك الىاكبار

Abai.kz