جۇما, 29 ناۋرىز 2024
انە، كوردىڭ بە؟ 1946 20 پىكىر 1 ماۋسىم, 2023 ساعات 12:29

قازۇازۋ: جەكەگە كەتكەن مۇلىكتەردى قايتارۋ كەرەك!

2023 جىلعى 31 مامىردا قازاق ۇلتتىق اگرارلىق زەرتتەۋ ۋنيۆەرسيتەتىنىڭ اكت زالىندا ۋنيۆەرسيتەتتىڭ عىلىمي كەڭەسىنىڭ كەڭەيتىلگەن وتىرىسى بولىپ، وعان جوو باسشىلىعى، قۇرىلىم جەتەكشىلەرى، فاكۋلتەت دەكاندارى مەن پروفەسسور-وقىتۋشىلار قۇرامى قاتىستى.

نەگىزگى كۇن تارتىبىنە وراي، قازۇازۋ باسقارما توراعاسى-رەكتوردىڭ ينفراقۇرىلىمدى دامىتۋ جانە الەۋمەتتىك ماسەلەلەر جونىندەگى ورىنباسارى سۇلتانعازيەۆ قۋات  ەلەۋسىزۇلى «ينفراقۇرىلىمنىڭ دامۋ ماسەلەلەرى مەن ولاردى شەشۋ جولدارى» تۋرالى بايانداما جاسادى.

باياندامانى تالقىلاۋ بارىسىندا قازۇازۋ عالىمدارى  ۋنيۆەرسيتەت بالانسىنان شىعىپ كەتكەن ءىرى كولەمدى اكتيۆتەردى قايتارۋ ماسەلەسىن كوتەردى. اتاپ ايتقاندا:

- 1000 توسەك-ورىندىق 3 ستۋدەنتتىك جاتاقحانا;

- جالپى اۋدانى 18828,5 شارشى مەتر 5 وقۋ-زەرتحانالىق عيماراتتار;

- جالپى اۋدانى 1,8 گا 1 ستاديون، وقۋ سپورت كەشەنىمەن;

- جالپى اۋدانى 700 شارشى مەتر اكىمشىلىك-شارۋاشىلىق عيماراتتارى مەن وزگە دە جىلجىمايتىن مۇلىك نىساندارى;

- ۋنيۆەرسيتەت عيماراتتارىنا ىرگەلەس – جالپى اۋدانى 5 گەكتارعا جۋىق جەر تەلىمدەرى;

- ۋنيۆەرسيتەتتىڭ الماتى وبلىسىنداعى تالعار جانە ەڭبەكشىقازاق اۋداندارىندا ورنالاسقان وقۋ-تاجىريبەلىك شارۋاشىلىقتارىنداعى جەر تەلىمدەرى – 12 گا.

سونداي-اق، عىلىمي كەڭەستە قازۇازۋ بالانسىنان ەرتەرەكتە جەكەگە قاراپ كەتكەن جىلجىمايتىن مۇلىكتەر ءتىزىمى جاريالاندى:

1. الماتى قالاسى، نازارباەۆ داڭعىلى، 176 مەكەن-جايىندا ورنالاسقان «اگرونوميا» فاكۋلتەتىنىڭ ستۋدەنتتىك جاتاقحاناسى، تۇرعىن ۇيگە اينالدىرىلعان جانە جەكە تۇلعالار جەكەشەلەندىرگەن.

2. اباي داڭعىلى، 30 مەكەن-جايىنداعى «زووينجەنەريا» فاكۋلتەتىنىڭ جالپى اۋماعى 4047 ش.م. ستۋدەنتتىك جاتاقحاناسى.

3. اباي داڭعىلى، 26ا مەكەن-جايىنداعى «زووينجەنەريا» جانە «ۆەتەريناريا» فاكۋلتەتتەرىنىڭ لابوراتوريالىق وقۋ عيماراتتارى، جالپى كولەمى 10 431 ش.م.

4. بوستاندىق اۋدانى، ساتپاەۆ كوشەسى، 7ا مەكەن-جايىنداعى «زووينجەنەريا» فاكۋلتەتىنىڭ جالپى كولەمى 1684,6 ش.م. جاتاقحاناسىنىڭ ءبىر بولىگى، 0,3076 گا جەر تەلىمىمەن قوسا.

5. اباي داڭعىلى، 8ا مەكەن-جايىنداعى «اۋىل شارۋاشىلىعىن ەلەكتروفيكاتسيالاۋ» فاكۋلتەتىنىڭ وقۋ عيماراتى، جەر تەلىمىمەن قوسا 14.12.2001 جىلى №2032 ساتۋ-ساتىپ الۋ كەلىسىم شارتى بويىنشا «حالىقارالىق بيزنەس ۋنيۆەرسيتەتىنە» (UIB) جەكەمەنشىككە بەرىلگەن.

6. اباي داڭعىلى، 8-8 مەكەن-جايىنداعى «اۋىل شارۋاشىلىعىن مەحانيزاتسيالاۋ» فاكۋلتەتى وقۋ عيماراتىنىڭ ءبىر بولىگى، جالپى اۋماعى 997,5 ش.م.، (0,0388 گا) جەر تەلىمىمەن قوسا 06.06.2001 جىلى «قر ۇستەل تەننيسى فەدەراتسياسى» قب-ىنە №1963 مەملەكەتتىك مەنشىكتى ساتۋ-ساتىپ الۋ كەلىسىم شارتى بويىنشا جەكەمەنشىككە بەرىلگەن.

7. اباي داڭعىلى، 28 مەكەن-جايىنداعى جالپى اۋماعى 1206,0 ش.م. ستاديون (سپورت زالىمەن) جانە 1,8051 گا. جەر تەلىمىمەن قوسا 2007 جىلى «يريدا ينۆەست» جشس-ىنە كەيىننەن يەلىكتەن شىعارۋ ماقساتىمەن سەنىمدى باسقارۋعا بەرىلگەن.

8. اباي داڭعىلى، 8 مەكەن-جايىنداعى اكىمشىلىك-شارۋاشىلىق عيماراتتارى جانە (0,3083 گا) جەر تەلىمىمەن قوسا 20.11.2006 جىلى «يريدا ينۆەست» جشس-ىنە جەكەمەنشىككە بەرىلگەن.

ۋنيۆەرسيتەتتىڭ اۋماعىندا «رامس قازاقستان» جشس كوپپاتەرلى تۇرعىن ءۇيدىڭ قۇرىلىسىن سالۋدى باستاعان، الايدا الماتى ق. اكىمىنىڭ شەشىمىمەن 2021 جىلى قۇرىلىس نىسانى  توقتاتىلدى. قازىرگى ۋاقىتتا نىسان قۇرىلىسىنا شەكتەۋ قويىلدى.

9. اباي داڭعىلى، 28 مەكەن-جايىنداعى وقۋ جانە اكىمشىلىك عيماراتتارى، قۇرىلىسى بىتپەگەن نىسان مەن (0,9051 گا) جەر تەلىمى 20.11.2006 جىلى «يريدا ينۆەست» جشس-ىنە جەكەمەنشىككە بەرىلگەن.

Abai.kz

20 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3547