پەتيتسيا تۋرالى قابىلداناتىن جاڭا زاڭدا 16 تاقىرىپقا تىيىم سالىنادى. ياعني ول تاقىرىپتار بويىنشا قول جيناپ، پەتيتسيا جازۋعا بولمايدى. 

«پەتيتسيا جازۋعا شەكتەۋ قويىلعان تاقىرىپتاردىڭ دەنى ۇلتتىق قاۋىپسىزدىككە قاتىستى. مىسالى، شەكارا ماسەلەسى، اۋماقتىق تۇتاستىق بويىنشا نەمەسە مەملەكەتتىك تىلگە بايلانىستى بولۋى مۇمكىن. ەرتەڭگى كۇنى كەيبىر ازاماتتار وسى تۇستى پايدالانىپ، ەلدەگى ساياسي جاعدايدى بۇزىپ، سەپاراتيستىك قوزعالىستاردى ۇيىمداستىرۋى ىقتيمال. سوندىقتان گەوساياسي ماسەلەلەر مەن توتەنشە جاعدايلار بويىنشا بىرقاتار شەكتەۋ ەنگىزدىك. ايتار بولساق، قاڭتار وقيعاسى سياقتى كەنەتتەن ەلدە قانداي دا ءبىر جاعداي بولسا، كەيبىر ازاماتتار پەتيتسيا ارقىلى توتەنشە جاعداي رەجيمىن الىپ تاستاۋدى تالاپ ەتۋى مۇمكىن»، - دەدى ەدىل جاڭبىرشين «اmanat» پارتياسى الاڭىندا وتكەن ءباسپاسوز ءماسليحاتىندا.

ءماجىلىس دەپۋتاتىنىڭ ايتۋىنشا، ۇلت قاۋىپسىزدىگىنە قاتىستى ماسەلەنى پەتيتسيا ارقىلى شەشۋ مۇمكىن ەمەس. ونىڭ مالىمەتىنشە، پەتيتسيا تۋرالى زاڭ قازىر سەناتتىڭ قاراۋىندا.

«جالپى زاڭعا وزگەرىس ەنگىزۋ وڭاي ەمەس. تىيىم سالىنعان تاقىرىپتاردىڭ اياسىن كەڭەيتۋ الدىمەن تالقىعا تۇسەدى. دەپۋتتار كورىنگەن نورمانى وتكىزبەيدى. ونداي ماسەلە تۋىنداعان جاعدايدا جۇمىس توبى قۇرىلىپ، دەپۋتاتتار، قوعام بەلسەندىلەرى، سالا ماماندارىنىڭ قاتىسۋىمەن تالقىلانادى. ەگەر قوعام قارسى بولسا، وندا زاڭعا وزگەرىستەر ەنگىزىلمەيدى. وزدەرىڭىز بىلەسىزدەر، كەيبىر رەزونانس تۋدىرعان زاڭ جوبالارى سەنات، پرەزيدەنت الدىنان قايتارىلىپ جاتادى»، - دەيدى حالىق قالاۋلىسى.

سۋرەت: عالامتوردان

Abai.kz