اباي وبلىسى تجد كۇشتەرى مەن قۇرالدارى «سەمەي ورمانى» موتر اۋماعىنداعى ورمان القابىنداعى ءورتتى جەدەل جويۋعا جاردەمدەسىپ جاتىر، دەپ حابارلادى Halyq Uni تىلشىسى.

سەمەي فيليالىنىڭ مالىمەتىنشە، باتپاەۆ ورمانشىلىعىنىڭ اۋماعىندا 0,3 گەكتار الاڭدا اعاشتار جانعان. قازىر ءورتتى ءسوندىرۋ جۇمىستارىنا اباي وبلىسى تجد-دان 31 ادام جانە 9 تەحنيكا، ورمان شارۋاشىلىعىنان 28 ادام جانە 14 تەحنيكا جۇمىلدىرىلعان.

اباي وبلىسى تجد-نىڭ داعدارىس ورتالىعىندا جەدەل شتاب ۇيىمداستىرىلدى. ەلدى مەكەندەرگە قاۋىپ جوق. ءورت سوندىرۋشىلەر ءورتتىڭ ورشۋىنە جول بەرمەۋ جانە ونى ءسوندىرۋ ءۇشىن بارلىق كۇشتەرىن سالىپ جاتىر.

ەسكە سالا كەتسەك، ەكى اپتا بۇرىن التاي ولكەسىنىڭ اۋماعىنداعى نوۆەنكوە اۋىلىنىڭ ماڭىندا قۇرعاق ءشوپتىڭ جانۋى سالدارىنان «سەمەي ورمانى» موتر اۋماعىندا اۋدانى 1 مىڭ 500 گەكتار ورمان ورتەنگەن. ال 29 مامىردا تابيعي رەزەرۆاتتىڭ باسشىلارى جەمقورلىق ءۇشىن سوتتالعان بولاتىن.

Abai.kz