9 ماۋسىم كۇنى ماڭعىستاۋ وبلىسىنداعى «بوزاشى مۇناي» جشس-نىڭ «وڭتۇستىك قاراتۇرىن» مۇناي-گاز كەن ورنىندا تۇتانعان ءورت ءالى اۋىزدىقتالعان جوق. بۇل تۋرالى وڭىرلىك توتەنشە جاعدايلار دەپارتامەنتىنىڭ ءباسپاسوز قىزمەتىنەن ءمالىم ەتتى.

«13 ماۋسىم ساعات 08:30-داعى جاعداي بويىنشا كاسىبي اسكەريلەندىرىلگەن اۆاريالىق-قۇتقارۋ قىزمەتتەرىنىڭ رەسپۋبليكالىق ورتالىق شتابى بولىمشەسىنىڭ كۇشىمەن جاساقتالعان لينيا بويىنشا 302 تەكشە مەتر ەرىتىندى تولتىرىلدى.

جۇمىس جالعاسىپ جاتىر.

ماڭعىستاۋ وبلىسى توتەنشە جاعدايلار دەپارتامەنتىنىڭ جيىنتىق جاساعىنىڭ كۇشتەرى مەن قۇرالدارى اپات بولعان جەردە كەزەكشىلىك رەجيمىندە جۇمىس جۇرگىزۋدە»، - دەلىنگەن مالىمەتتە.

ءىس-قيمىلدىڭ ودان ارعى الگوريتمىن ازىرلەۋ ماقساتىندا بۇگىن كەڭەس وتكىزۋ جوسپارلانعان.

ەسكە سالايىق، 9 ماۋسىم ساعات 09:00-دە ماڭعىستاۋ وبلىسى توتەنشە جاعدايلار دەپارتامەنتىنىڭ داعدارىس جاعدايلارى باسقارماسىنا «بوزاشى مۇناي» جشس-نىڭ «وڭتۇستىك قاراتۇرىن» مۇناي-گاز كەن ورنىنداعى ءورت تۋرالى اقپارات تۇسكەن.

Abai.kz