پروكۋرور ەكس-مينيستر، ۇلتتىق مۋزەيدىڭ بۇرىنعى باسشىسى ارىستانبەك مۇحامەديۇلىن توعىز جىلعا باس بوستاندىعىنان ايىرۋدى سۇرادى، دەپ حابارلادى كتك ارناسى.

استاناداعى №2 بايقوڭىر اۋدانى سوتىندا اتىشۋلى ءىس بويىنشا ءجارىسسوز ءوتتى.

مەملەكەتتىك ايىپتاۋشى مۇحامەديۇلى قر قك –بابىمەن كىنالى دەگەن ايىپتاۋ قورىتىندىسىن وقىدى.  ءبىرىنشىسى – قىلمىستى ۇيىمداستىرۋ، ەكىنشىسى – سەنىپ تاپسىرىلعان بوتەن بۇلىكتى يەمدەنىپ الۋ نەمەسە تالان-تاراجعا سالۋ. سايىپ كەلگەندە وسى باپتارمەن كىنالى دەپ تانىپ، 9 جىلعا جازا ارقالاۋىن جانە ءومىر بويىنا مەملەكەتتىك قىزمەتتە ىستەۋ قۇقىعىنان ايىرۋدى سۇرادى.

ۇلتتىق مۋزەيدىڭ بۇرىنعى ديرەكتورى ارىستانبەك مۇحامەديۇلىن انتيكور بىلتىر مامىردا قاماۋعا العان. تەرگەۋ ءبىر جىلعا سوزىلدى. تەرگەۋ مالىمەتىنشە، ءبىراز جىل مادەنيەت جانە سپورت مينيسترلىگىن باسقارعان مۇحامەديۇلى مەن ونىڭ سىبايلاستارىنىڭ مەملەكەتكە كەلتىرگەن شىعىنى شامامەن 221 ميلليون تەڭگەدەن اسادى.

Abai.kz