بۇگىن ءماجىلىستىڭ جالپى وتىرىسىنا كەلگەن باس پروكۋروردىڭ ورىنباسارى جاندوس ومىراليەۆتەن تىلشىلەر توتەنشە جاعداي ەكس-ءمينيسترى يۋري يلينگە قازاقستاننان شىقپاۋ تۋرالى شەكتەۋ قويىلعانى قانشالىقتى راس ەكەنىن سۇرادى، دەپ حابارلايدى Qaz365.kz. 

«ونداي شەكتەۋ قويىلمادى. قازىر بۇل قىلمىستىق ءىس بويىنشا ەشكىمنىڭ ءىس-ارەكەتى سارالانعان جوق. تەرگەۋدىڭ باستالعانىنا شامالى عانا كۇن ءوتتى. سوندىقتان مۇندا ءسىز ايتقان لاۋازىم يەسى دە جانە باسقا دا لاۋازىم يەلەرىنە ءالى قىلمىستىق ءىس بويىنشا ستاتۋس جوق. ولاردىڭ ءىس ارەكەتى سارالانبادى»، – دەدى جاندوس ومىراليەۆ.

تىلشىلەر باس پروكۋراتۋرا سارالاعانشا، ولار قازاقستاننان كەتىپ قالماي ما؟ دەپ سۇراقتى ناقتىلادى.

«ءتيىستى تەرگەۋ توبى بارلىق شارالاردى قولدانىپ جاتىر»، –  دەدى ول.

Abai.kz