ازيالىق ورمان شارۋاشىلىعى ىنتىماقتاستىعى ۇيىمى (AFoCO) قازاقستانعا ورمانداردى قالپىنا كەلتىرۋگە جانە ءورتتىڭ الدىن الۋعا كومەكتەسەدى، دەپ حابارلادى «حابار 24».

ءماجىلىس دەپۋتاتى ەدىل جاڭبىرشين سەۋلدە ۇيىمنىڭ ۆيتسە-پرەزيدەنتىمەن كەزدەسۋىندە وسىلاي دەدى.

"كورەيادا 50-60 جىلدا ورمانداردى قالپىنا كەلتىرۋ ماقساتىندا 11 ميلليارد اعاش ەگىلىپ، 2,5 ميلليون گەكتار جەر قالپىنا كەلتىرىلدى. وسىعان بايلانىستى ءبىز كورەي تاراپىنا ولاردىڭ باي تاجىريبەسىن بىزبەن بىرگە پايدالانۋدى ۇسىندىق", - دەدى قر پارلامەنتى ءماجىلىسى كوميتەتىنىڭ توراعاسى ەدىل جاڭبىرشين.

ءجاڭبىرشيننىڭ ايتۋىنشا، مامانداردى دايارلاۋ ماسەلەلەرى دە تالقىلاندى.

"بىزگە ولاردىڭ تەحنولوگياسىن نەمەسە ءبىز ءۇشىن ماڭىزدى باسقا مۇمكىندىكتەرىن پايدالانۋ كەرەك. سونىمەن قاتار ولاردى ءبىزدىڭ ازاماتتارعا تاعىلىمدامادان وتۋگە كومەكتەسۋگە شاقىرۋ كەرەك", - دەدى ەدىل جاڭبىرشين.

Abai.kz