الماتى قالالىق سوتى قاڭتار وقيعاسى كەزىندە قالا ورتالىعىندا وققا ۇشقان بەس ادامنىڭ جاقىندارىنىڭ اپەللياتسيالىق شاعىمىن قاناعاتتاندىرمادى.

2 مامىردا الماتىنىڭ بوستاندىق اۋدانىنىڭ №2 سوتى وق ءتيىپ قازا بولعان بەس ادام – سەرىك كەرىموۆتى، قانات اۋباكىروۆتى، نۇربولات قاسىمجانوۆتى، اسلان ۋاليەۆتى جانە شىڭعىس تاستانبەكوۆتى "جاپپاي تارتىپسىزدىككە قاتىسىپ، مەملەكەتتىك نىساندارعا شابۋىلدادى" دەپ سوتتاعان. سوت بەس ادامدى قازا تابۋىنا بايلانىستى قىلمىستىق جاۋاپكەرشىلىكتەن بوساتقان. مارقۇمداردىڭ تۋىستارى ۇكىمگە كەلىسپەي، ولاردى اقتاۋدى تالاپ ەتىپ، اپەللياتسيالىق شاعىم تۇسىرگەن ەدى.

شاعىمدى قاراعان الماتى قالالىق سوتىنىڭ القاسى بەس مارقۇمدى ايىپتى دەپ تانىعان العاشقى ينستانتسيانىڭ ۇكىمىن وزگەرىسسىز قالدىردى.

اپەللياتسيالىق سوتتا مارقۇمداردىڭ ادۆوكاتتارى مەن جاقىندارى العاشقى ينستانتسيادا ايىپتىڭ قاي-قايسىسى دا دالەلدەنبەگەنىن، تەرگەۋ كورسەتكەن فوتولار مەن ۆيدەولارداعى ادامدار جاقىندارى ەمەس ەكەنىن ايتتى.

ال شاعىمدى قاراعان سوت القاسى "العاشقى ينستانتسيادا ءىس زاڭعا سايكەس زەردەلەندى، سوتقا دەيىنگى تەرگەۋ بارىسىندا ساراپتامالار زاڭدى جانە نەگىزدى تۇجىرىمعا كەلگەن، سوندىقتان ۇكىمدى وزگەرتۋگە نەگىز جوق" دەپ تانىدى.

مارقۇمداردىڭ جاقىندارى بۇل شەشىمگە كەلىسپەيتىنىن، ەندى كاسساتسيالىق سوتقا شاعىم تۇسىرەتىنىن ايتتى.

– كۇيەۋىم الماتىداعى پرەزيدەنت رەزيدەنتسياسى ماڭىندا جەردە جارالى جاتقان ادامعا كومەكتەسپەك بولعانى ۆيدەودا بار، سول ءۇشىن اتىپ تاستادى. ال تەرگەۋ ونىڭ بۇل ءىسىن رەزيدەنتسياعا شابۋىل جاساۋ دەيدى. ادىلەتسىز عوي. مەن كەلىسپەيمىن، جوعارعى سوتقا دەيىن بارام، – دەيدى مارقۇم قانات اۋباكىروۆتىڭ ايەلى ءلايلا الديبەكوۆا.

Abai.kz