بۇگىن شىعىس قازاقستان وبلىسىنىڭ اكىمى بولىپ ەرمەك كوشەرباەۆ تاعايىندالدى. بۇعان دەيىن ول قازاقستان رەسپۋبليكاسىنىڭ رەسەي فەدەراتسياسىنداعى توتەنشە جانە وكىلەتتى ەلشىسى قىزمەتىن اتقاردى.

ەرمەك بەدەلبايۇلى كوشەرباەۆ 1965 جىلى 2 مامىردا الماتى قالاسىندا دۇنيەگە كەلگەن.

1988 جىلى C.كيروۆ اتىنداعى قازاق ۇلتتىق ۋنيۆەرسيتەتىن شەت تىلىندە وقىتاتىن تاريحشى ماماندىعى بويىنشا ءبىتىردى. 1993 جىلى كسرو ديپلوماتيالىق اكادەمياسىن حالىقارالىق قاتىناستار جانە سىرتقى ساياسات ماماندىعى بويىنشا اياقتادى.

ەڭبەك جولىن 1988 جىلى الماتىدا № 170 ورتا مەكتەپتە تاريح مۇعالىمى بولىپ باستاعان ول، كەيىن بەدەلدى لاۋازىمداردى،  شقو اكىمىنىڭ ءبىرىنشى ورىنباسارى، اۋىل شارۋاشىلىعى ۆيتسە-ءمينيسترى; سىرتقى ىستەر مينيسترلىگىنىڭ جاۋاپتى حاتشىسى; سىرتقى ىستەر ءمينيسترىنىڭ ورىنباسارى قىزمەتتەرىن يەلەندى.

ەرمەك كوشەرباەۆ ۇيلەنگەن، ەكى بالاسى بار. ونىڭ جۇبايى – دينارا ءشايجۇنىسوۆا. دينارا ءشايجۇنىسوۆانىڭ ءىنىسى دالەن ءشايجۇنىسوۆ 2018 جىلى نۇرسۇلتان نازراباەۆتىڭ جيەنى، داريعا نازارباەۆانىڭ قىزى ۆەنەرا اليەۆاعا ۇيلەنگەن.

ەكى جاستىڭ تويى الماتىداعى Ritz-Carlton-دا ءسان-سالتاناتپەن ءوتتى.

شىعىسقا احمەتوۆتىڭ ورنىنا بارعان كوشەرباەۆ ەكس-پرەزيدەنتتىڭ قۇداسى.

سۋرەت: عالامتوردان

Abai.kz