ماجىلىستەگى ۇكىمەت ساعاتىندا اگرارلىق ماسەلەلەر كوميتەتىنىڭ توراعاسى سەرىك ەگىزباەۆ اۋىل شارۋاشىلىعىنداعى سۋبسيديا بەرۋ ەرەجەسىن كەمىندە 5 جىل بويى وزگەرمەيتىندەي ەتىپ بەكىتۋدى ۇسىندى. 

«سالانىڭ شەشىمىن تاپپاي وتىرعان ماسەلەسىنىڭ ءبىرى – قارجى ينستيتۋتتارىنىڭ نەسيەسىن كەپىلمەن قامتاماسىز ەتۋ. مىسالى، اگروكرەديت كورپوراتسياسىنان «اگروبيزنەس» باعدارلاماسى بويىنشا ءتورتىنشى بۋىنداعى 1 گەكتار جىلىجاي كەشەنىن سالۋعا 1 ملرد تەڭگە نەسيە الۋ ءۇشىن 1 ملرد تەڭگە كەپىل ۇسىنۋ قاجەت. فەرمەرلەردىڭ جۇمىس ىستەگىسى كەلگەنىمەن، قارجىگەرلەر تسيفرلاردى «ويناتىپ»، ولاردىڭ جۇمىس ىستەۋىنە مۇمكىندىك بەرمەي وتىر»، - دەدى ءماجىلىستىڭ كوميتەت توراعاسى.

ونىڭ پايىمىنشا، فەرمەرلەرگە نەسيە بەرۋ شارتتارى مەن كەپىلمەن قامتاماسىز ەتۋ تالاپتارىن تۇبەگەيلى قايتا قاراۋ قاجەت.

«مينيسترلىك باسشىلىعى 2021 جىلعى قىركۇيەكتەن بۇگىنگى كۇنگە دەيىن عانا سۋبسيديا بەرۋگە قاتىستى بۇيرىقتاردى 21 مارتە وزگەرتتى. اعىلشىن تىلىندە ايتقاندا، no comment. سۋبسيديا بەرۋ جونىندەگى مەملەكەتتىك ساياسات ءاربىر جارتى جىل سايىن وزگەرەتىن بولسا، فەرمەرلەر ءوز جۇمىسىن قالاي جوسپارلاۋى كەرەك؟ مينيسترلىككە سۋبسيديا بەرۋدىڭ تۇراقتى جانە تۇسىنىكتى ەرەجەلەرىن بەلگىلەۋ جانە ونى كەمىندە 5 جىلعا دەيىن وزگەرتپەۋ قاجەت»، - دەدى دەپۋتات.

كوللاج: عالامتوردان

Abai.kz