وزودي راديوسىنىڭ دەرەككوزى شەنەۋنىك تاجىك مەملەكەتتىك ساۋدا ۋنيۆەرسيتەتىنىڭ وقىتۋشىسى يسمويل راحمونوۆتى ۇرلادى دەگەن كۇدىككە ىلىنگەنىن جەتكىزدى.

"12 ماۋسىمدا تۇندە ول يسمويل راحمونوۆتى كۇشپەن كولىگىنە سالىپ، بەلگىسىز جاققا الىپ كەتكەن. ۋنيۆەرسيتەت وقىتۋشىسى ءتىرى مە، جوق پا، بەلگىسىز", - دەيدى دەرەككوز.

تەرگەۋ ورگاندارى يسمويل راحمونوۆتى ولتىرگەن بولۋى مۇمكىن دەگەن بولجامدى دا العا تارتىپ وتىر.

يسمويل راحمونوۆتىڭ تۋىستارى ونى ءبىر اپتادان بەرى ىزدەپ ءجۇر. وتباسىن جاقىن ادامداردىڭ ءبىرىنىڭ ايتۋىنشا، اكمال يۋسۋفزودا مەن يسمويل راحمونوۆتىڭ ايەلدەرى تاجىك مەملەكەتتىك ساۋدا ۋنيۆەرسيتەتىندە بىرگە جۇمىس ىستەيدى. كۋالەردىڭ ايتۋىنشا، ەكەۋىنىڭ اراسىندا جانجال شىققان.

وسى ۋنيۆەرسيتەتتە جۇمىس ىستەيتىن يسمويل راحمونوۆ كانديداتتىق ديسسەرتاتسياسىن قورعاۋعا دايىندالىپ جۇرگەن. "ديسەرتاتسياسىن الدىن الا قورعاعاننان كەيىن ونى ەشكىم كورمەگەن", - دەيدى دەرەككوز.

يسمويل راحمونوۆ حاتلون وبلىسى جايحۋن اۋدانىندا تۋعان. ءتورت بالاسى بار.