بۇل تۋرالى يندۋستريا جانە ينفراقۇرىلىمدىق دامۋ ءمينيسترى مارات قاراباەۆ مالىمدەدى.

ايتۋىنشا، قازىرگى كەزدە اۆتوكولىكتىڭ ەڭ سۇرانىسقا يە ءتۇرى – اۆتوبۋس.

«4 پايىزدىق اۆتونەسيە باعدارلاماسىن قايتا جاڭارتۋدى جوسپارلاپ وتىرمىز. اۆكولىكتەردى نەسيەلەۋ باعىتىن اۆتوبۋستاردى نەسيەلەۋگە اۋىستىرماقشىمىز. بۇكىل رەسپۋبليكا بويىنشا 10525 اۆتوبۋس بار. ولاردىڭ كوپشىلىگى توزعان. قوعامدىق كولىكتى كۇندەلىكتى 9,3 ميلليون قازاقستاندىق پايدالانادى. ءبىز ولاردىڭ قاجەتتىلىكتەرىنە باسىمدىق بەرمەكپىز»،—دەدى مينيستر.

سونداي-اق مارات قاراباەۆ باعدارلاما شارتتارىنىڭ وزگەرۋى جەڭىل كولىكتەرتىڭ قىمباتتاۋىنا اسەر ەتپەيتىنىن اتاپ ءوتتى.

«بۇل جەڭىل كولىك قىمباتتايدى دەگەن ءسوز ەمەس. قازاقستاندىقتار كولىكتى نارىقتىق ستاۆكامەن الا الادى. ياعني، وندىرۋشىلەردىڭ نە بانكتەردىڭ باعدارلاماسىن قولدانۋعا بولادى»،—دەدى ول.

ايتا كەتەيىك، جەڭىلدەتىلگەن اۆتونەسيە وتكەن جىلى مامىر ايىندا بەرىلگەن ەدى.  ونىڭ ەكىنشى تولقىنى بيىل اقپاندا online قابىلداندى. 18 سەكۋندتا 761 ادام عانا تىركەلىپ، پلاتفورما حالىقتىڭ سىنىنا ۇشىرادى.

فوتو: اشىق دەرەككوزدەن

Abai.kz