ەلىمىزدىڭ اۋماعىندا ءبىر اپتا ىشىندە 2 720 قىلمىس جاسالدى. بۇل تۋرالى ىشكى ىستەر مينيسترلىگى ءباسپاسوز قىزمەتىنىڭ وكىلى شۇعىلا تۇرلىبەك ءمالىم ەتتى.

«ءبىر اپتا ىشىندە 2 720 قىلمىس جاسالدى، ونىڭ 1 642 تاۋلىك ىشىندە اشىلدى. پوليتسيا قىزمەتكەرلەرى «ءىزىن سۋىتپاي» 11 كىسى ءولتىرۋدى، 3 ولىمگە اكەپ سوققان دەنساۋلىققا قاساقانا اۋىر زيان كەلتىرۋدى، 1 قاراقشىلىق، 36 توناۋ جانە 302 بوتەن مۇلىكتى ۇرلاۋ قىلمىستارىن اشتى»، - دەدى ول مينيسترلىكتىڭ ءباسپاسوز قىزمەتى الاڭىندا وتكەن اپتالىق بريفينگتە.

شۇعىلا تۇرلىبەكتىڭ دەرەگىنشە، تاۋەلسىزدىك جىلدارىندا عانا ىشكى ىستەر ورگاندارىنىڭ 816 قىزمەتكەرى قىزمەتتىك مىندەتتەرىن اتقارۋ كەزىندە قازا تاپتى. 4,5 مىڭنان استامى جاراقات الدى. 1 800-گە جۋىعى مەملەكەتتىك ناگرادالارمەن ماراپاتتالدى. ونىڭ 157-سىنە مەملەكەتتىك ناگرادا قايتىس بولعاننان كەيىن بەرىلدى.

Abai.kz