بۇگىن بەلارۋس پرەزيدەنتى الەكساندر لۋكاشەنكو مينسكتە ءوز اسكەريلەرىن جيناپ، شەن-شەكپەن ۇلەستىردى. سوڭعى رەسەيدەگى وقيعالارعا قاتىستى پىكىرىن ءبىلدىردى. سونىمەن، لۋكاشەنكو نە دەيدى؟

لۋكاشەنكو:

مەنى بارلىعى سىناعىش. مەن 30 جىل بويى سوعىسقا دايارلانىپ كەلەم. سوندىقتان دا ءبىز بۇگىن بەيبىت ءومىر ءسۇرىپ جاتىرمىز.

***

ەگەر مەملەكەتتىڭ ءوز ىشىندە ماسەلە بولماسا، ەشقانداي ءتۇرلى-ءتۇستى رەۆوليۋتسيا دا بولمايدى!

***

ءبىزدىڭ بۋىنىمىز ۇلكەن سىناقتان ءوتىپ جاتىر. ءبىزدىڭ موينىمىزعا بەيبىتشىلىكتى ساقتاۋ دەگەن ۇلكەن مىندەت جۇكتەلگەن. دەمەك، ءبىز بۇگىن ەلىمىزدىڭ باسىنا ۇيىرىلگەن تۇنەكتەن دە مىقتى، مىعىم بولۋىمىز كەرەك!

***

جاسىرمايمىن، رەسەيدەگى جاعدايدى باقىلاپ وتىرۋدىڭ ءوزى اۋىر بولدى. مەن عانا ەمەس، ءبىزدىڭ ەلىمىزدىڭ كوپتەگەن ازاماتتارى ول وقيعالاردى جۇرەكتەرىنە جاقىن قابىلدادى. ويتكەنى – وتانىمىز ءبىر!

***

ارقانداي ستسەناريلەرگە دايىن بولۋ ءۇشىن مەن ارميانى ۇرىس جاعدايىنا كەلتىرۋ تۋرالى تاپسىرما بەردىم.

***

مەنەن ەشقانداي دا قاھارمان جاساۋدىڭ كەرەگى جوق. مەنەن دە، پۋتين مەن پريگوجيننەن دە. ءبىز جاعدايدى باقىلاۋدان شىعارىپ الدىق. مايداندا بىرگە سوعىسىپ جۇرگەن ەكى ادام ءبىر-بىرىمەن شەكىسىپ قالدى. بۇل ىستە قاھارمان جوق!

***

مەنىڭ پوزيتسيام: ەگەر رەسەي قۇلاسا – بارلىعىمىز ءۇيىندىنىڭ استىندا قالامىز. ەشقايسىمىز امان قالمايمىز.

***

جاھاندىق جانجالدىڭ قاۋىپى قازىرگىدەي ۋشىققان ەمەس. ءبىزدىڭ ەلىمىزدى، ايماعىمىزدى كەزەكتى رەت تالاسقا سالعىسى كەلىپ جاتىر. ءبىزدىڭ ايماعىمىزدى شايقاپ، ادامدارىمىزدىڭ ساناسىن ۋلاپ، سول جاعدايدى پايدالانىپ، ءوز ەرەجەلەرىن ورناتپاقشى. ال ولاردىڭ ەرەجەسىمەن جۇرسەك، ءبىزدىڭ ەلىمىز دە، مەملەكەتىمىز دە جوق بولادى.

***

باتىس ءبىزدىڭ سوعىستى بەيبىت جولمەن شەشۋ تۋرالى جوسپارلارىمىزدى – «ديپلوماتيالىق يميتاتسيا» دەپ ايىپتاۋدا. ال سول «يميتاتسيانىڭ» قۇنى – جۇزدەگەن مىڭ ادامنىڭ ءومىرى.

***

قازىر ءبىز ناتو-نىڭ قارقىندى تۇردە كەڭەيىپ جاتقانىن كورىپ وتىرمىز. ولار جانە جاريا تۇردە ءبىزدىڭ شەكارامىزعا جاقىنداپ كەلە جاتىر.

Abai.kz