ەلىمىزگە رەسمي ساپارمەن كەلگەن قىرعىز رەسپۋبليكاسى جوگوركۋ كەنەشىنىڭ توراعاسى نۇرلانبەك شاكيەۆ شىڭعىس ايتماتوۆتىڭ 95 جىلدىعىنا وراي جازۋشىنىڭ ءومىرى مەن شىعارماشىلىعىنا ارنالعان كورمەگە قاتىستى. سونداي-اق قازاقستان حالقى اسسامبلەياسىنىڭ مۇشەلەرىمەن كەزدەسىپ، قۇرىلىمنىڭ قىزمەتىمەن تانىستى.

كەزدەسۋ بارىسىندا قازاقستان رەسپۋبليكاسى پارلامەنتى سەناتىنىڭ توراعاسى ماۋلەن اشىمباەۆ قازاق-قىرعىز باۋىرلاستىعى عاسىرلارمەن ولشەنەتىنىن جانە بۇگىندە ءوزارا بايلانىس كوپكە ۇلگى ەكەنىن ايتتى. سونداي-اق ول مەملەكەت باسشىسى قاسىم-جومارت توقاەۆتىڭاسسامبلەيانىڭ سوڭعى سەسسياسىندا ايتقان سوزىنە نازار اۋدارىپ، شىن مانىندە الاتاۋدىڭ بوكتەرىن قاتار جايلاعان ەگىز حالىق بولاشاققا بىرگە قادام باسا بەرەتىنىن تىلگە تيەك ەتتى.

سونىمەن قاتار سەنات توراعاسى ەكى حالىقتىڭ دوستىعى مەن باۋىرلاستىعىن نىعايتۋدا تاريحي، رۋحاني، مادەني-ادەبي بايلانىستاردىڭ ورنى بولەك ەكەنىناتاپ ءوتتى. بۇل رەتتە زيالى قاۋىم وكىلدەرىنىڭ ۇلكەن ءرول اتقاراتىنىدا ايتىلدى.

«قازاق-قىرعىز ينتەلليگەنتسياسىنىڭ ءوزارا بايلانىسى تەرەڭنەن تامىر تارتادى. مۇحتار اۋەزوۆ پەن شىڭعىس ايتماتوۆتىڭ اعالىق-ىنىلىك باۋىرلاستىعى قوس ەل زيالىلارىنىڭ تالاي بۋىنى ءۇشىن وزىق ۇلگى ەكەنى انىق. مۇحاڭ قىرعىز ۇلتىنىڭ ۇلى مۇراسى – «ماناستى» ساقتاۋعا جانە تانىتۋعا شەشۋشى ۇلەس قوستى. شىڭعىس ايتماتوۆتاي ادەبي جۇلدىزدىڭ جارقىراي كورىنۋىندە دە اۋەزوۆتىڭ قولتاڭباسى بار. سول بايلانىستار بۇگىندە ءوز دەڭگەيىندە جالعاسىپ كەلەدى. وعان ءداستۇرلى تۇردە وتكىزىلىپ كەلە جاتقان قازاق-قىرعىز زيالىلارىنىڭ فورۋمى دالەل», – دەدى ماۋلەن اشىمباەۆ.

پالاتا سپيكەرى بيىل قاڭتار ايىندا بىشكەك قالاسىندا وتكەن جەتىنشى فورۋم شىڭعىس ايتماتوۆتىڭ 95 جىلدىعىنا ارنالعانىن نازارعا الىپ، الەمگە ايگىلى كلاسسيكتىڭ قازاق ادەبيەتى مەن رۋحانياتىندا دا ورنى بولەك ەكەنىن ايتتى. ايتماتوۆتىڭ شىعارمالارىنداعى وقيعالاردىڭ ءبىراز بولىگى قازاق دالاسىندا وتكەنى بەلگىلى. جازۋشىنىڭ ءوزى دە قازاق حالقىمەن جانە ونىڭ زيالى قاۋىمىمەن تىعىز ارالاسىپ، ولارعا ۇلكەن قامقورلىق كورسەتكەنى كوپكە ءمالىم.

«قازاق حالقى شىڭعىس ايتماتوۆتى ءوز پەرزەنتىندەي جاقسى كورەدى. وسىعان وراي ۇلى جازۋشىنىڭ مەرەيتويىن قازاقستان تاراپى دا نازاردان تىس قالدىرىپ وتىرعان جوق. سونىڭ ءبىر دالەلى بۇگىن ءوتىپ وتىرعان ۇلى جازۋشىنىڭ ءومىرى مەن شىعارماشىلىعىنا ارنالعان كورمە ەكەنى ءسوزسىز. قازاق پەن قىرعىزعا ورتاق تۇلعالاردى دارىپتەۋ ارقىلى ءبىز قارىم-قاتىناسىمىزدى ودان ءارى نىعايتامىز. سوندىقتان بۇل باعىتتاعى جۇمىستاردىڭ جۇيەلى جالعاسقانى اسا ماڭىزدى», – دەگەن ماۋلەن اشىمباەۆ قازىرگى تاڭدا ەكى ەلدىڭ مەملەكەت باسشىلارىنىڭ دوستىق بايلانىسىنىڭ ناتيجەسىندە قازاق-قىرعىز قارىم-قاتىناسى جاڭا بيىككە كوتەرىلگەنىنە نازار اۋداردى.

ءوز كەزەگىندە جوگوركۋ كەنەش توراعاسى باۋىرلاس ەكى حالىقتىڭ مادەني جانە رۋحاني بايلانىسىن ودان ءارى نىعايتۋعا قىرعىز تاراپى دا مۇددەلى ەكەنىن جەتكىزدى.

«قازاق پەن قىرعىزدىڭ اراسىنداعى بەكەم دوستىق پەن بىرتۋعاندىق كوپتەگەن جىر-داستاندار مەن شىعارمالارعا ارقاۋ بولعانىن بىلەمىز. وسىنداي قارىم-قاتىناس ءبىزدىڭ زيالىلارىمىز اراسىندا بەرىك ساقتالىپ كەلەدى. قىرعىزدىڭ «ماناس» جىرىنىڭ بۇگىنگە جەتۋىندە قازاقتىڭ زاڭعار جازۋشىسى مۇحتار اۋەزوۆتىڭ ءرولى زور. وسى ورايدا قىرعىزدىڭ ءبىرتۋار پەرزەنتى شىڭعىس ايتماتوۆتىڭ 95 جىلدىعى قازاق ەلىندە دە كەڭ كولەمدە اتالىپ ءوتىپ جاتقانىنا ايرىقشا العىسىمىزدى بىلدىرەمىز», – دەدى نۇرلانبەك شاكيەۆ.

كەزدەسۋدە ماۋلەن اشىمباەۆ قازاقستان حالقى اسسامبلەياسىنىڭقىزمەتىنە جانە ونىڭ ەلىمىزدەگى جالپىۇلتتىق بىرلىك پەن قوعامدىق كەلىسىمدى ساقتاۋداعى رولىنە كەڭىنەن توقتالدى. سونداي-اق جيىنداقازىرگى تاڭدا قازاقستاندا 40 مىڭنان استام قىرعىز ەتنوسىنىڭ وكىلى تۇراتىنى جانە اسسامبلەيا اياسىندا 10 وڭىرلىك قىرعىز ەتنومادەني بىرلەستىگى جۇمىس ىستەيتىنى دە ايتىلدى.

Abai.kz