مەملەكەت باسشىسى قاسىم-جومارت توقاەۆ قازاقستاندىقتاردى قۇربان ايت مەرەكەسىمەن قۇتتىقتادى. 

«قادىرلى وتانداستار!

سىزدەردى قۇربان ايت مەرەكەسىمەن شىن جۇرەكتەن قۇتتىقتايمىن!

بۇل – يسلامنىڭ تاعىلىمى مول ءدىني ءداستۇرى. قۇربان ايت ادامداردى مەيىرىمدى، ادال، جاناشىر بولۋعا، ادامزاتتىڭ بارىنە قۇرمەتپەن قاراۋعا ۇندەيدى. وسى قۇندىلىقتار ۇلتتىڭ رۋحاني ورلەۋىنە، قوعامدا جاۋاپكەرشىلىك پەن ادىلدىك قاعيداتتارىن ورنىقتىرۋعا ىقپال ەتەدى.

ايت كۇندەرى مۇسىلمان قاۋىم ءبىر-ءبىرىن قۇتتىقتاپ، جاقىندارىنا اماندىق پەن جاقسىلىق تىلەيدى. شىنايى كوڭىلمەن مۇقتاج جاندارعا جاردەمدەسەدى. مۇنىڭ ءبارى جۇرتشىلىقتى جاقىنداستىرىپ، ەلىمىزدەگى جالپىۇلتتىق بىرلىكتى، بەيبىتشىلىكتى جانە كەلىسىمدى نىعايتا تۇسەدى.

مەيىرىمدىلىك، يماندىلىق، قايىرىمدىلىق – حالقىمىزعا ءتان ىزگى قاسيەتتەر. ۇلىق مەرەكەنىڭ ۇلاعاتى جۇرتىمىزدىڭ تابيعاتىنا ەتەنە جاقىن. سوندىقتان بۇل مەيرام ۇلتتىق سالت-داستۇرىمىزبەن بىتە قايناسىپ، بىرگە جاساپ كەلەدى.

بارشاڭىزدىڭ دۇعا-تىلەكتەرىڭىز قابىل بولسىن! ايتتان ايتقا امان-ەسەن جەتە بەرەيىك!» - دەلىنگەن اقوردا جاريالاعان پرەزيدەنت قۇتتىقتاۋىندا.