سەنات دەپۋتاتتارى تۇڭعىش پرەزيدەنت نۇرسۇلتان نازارباەۆتى ءوز اتىمەن اتالعان مەكتەپتەر، جوو جانە قوردىڭ جوعارعى كەڭەسىنىڭ باسشىسى مارتەبەسىنەن ايىراتىن زاڭدى ماقۇلدادى، دەپ حابارلايدى Ulysmedia.kz.

زاڭ جوباسىنا سايكەس، بۇدان بىلاي پرەزيدەنت نازارباەۆ زياتكەرلىك مەكتەپتەرى جوعاعرى قامقورشىلىق كەڭەسىنىڭ، نازارباەۆ ۋنيۆەرسيتەتىنىڭ جانە نازارباەۆ قورىنىڭ باسشىسى بولادى.

سونداي-اق، تۇزەتۋلەردە پرەزيدەنت تاعايىنداعان قازاقستان ازاماتى دا جوعارعى كەڭەستىڭ توراعاسى بولا الادى دەلىنگەن. جوعارى قامقورشىلىق كەڭەس تۋرالى ەرەجەنى جوعارعى قامقورشىلىق كەڭەستىڭ توراعاسى بەكىتەدى.

بۇدان باسقا، زاڭ جوباسى تاعى ءبىر وزگەرىستى كوزدەيدى: دارىندى بالالاردى نزم-دە وقىتۋعا اقى تولەۋگە ارنالعان "وركەن" ءبىلىم بەرۋ گرانتىن ەندى تۇڭعىش پرەزيدەنت ەمەس، مەملەكەت باسشىسى قۇراتىن بولادى.

بۇعان دەيىن دەپۋتات سنەجاننا يماشەۆا قىلمىستىق كودەكستەن بۇرىنعى پرەزيدەنت نۇرسۇلتان نازارباەۆتى قورلاۋ تۋرالى باپتى الىپ تاستاۋعا قاتىستى تۇزەتۋلەر تۋرالى ايتقان بولاتىن.

Abai.kz