ەگەر بۇل ۇسىنىس قابىلدانسا، وندا الدىڭعى پرەزيدەنت المازبەك اتامباەۆ سەكىلدى بارلىق يممۋنيتەتىنەن ايىرىلادى. ونىڭ ۇستىنەن قىلمىستىق ءىس قوزعالىپ، ءومىر بويى مەملەكەتتەن الاتىن ماتەريالدىق كومەكتەن ايىرىلۋى مۇمكىن. سونىمەن بىرگە مەملەكەتتىك رەزيدەنتسيادا تەگىن تۇرۋ، تەگىن ەمدەلۋ مەن كۇزەت قىزمەتىنەن دە شەكتەلەدى.
پارلامەنتتە بۇل ماسەلەنى كوتەرگەن قازىرگى پرەزيدەنت سادىر جاپاروۆتىڭ تۋعان قۇداسى اقىلبەك تۋمونباەۆ.
"مەن قازىر "الا-ارچادا" مەملەكەتتىك رەزيدەنتسيادا تۇرىپ جاتقان سوورونباي جەەنبەكوۆكە مەملەكەتتەن بولىنەتىن قارجىنى ەسەپتەۋدى سۇرادىم. قازىر تەك عانا ول ەمەس، ونىڭ بارلىق وتباسى مەملەكەت ەسەبىنەن ءومىر ءسۇرىپ جاتىر. مەن بۇل ماسەلەنى كوتەرەمىن، ءتيىستى زاڭ جوباسىن ازىرلەيمىن، مەملەكەت باسشىسىنان ونىڭ ەكس-پرەزيدەنت مارتبەسىن الىپ تاستاۋدى سۇرايمىن" – دەدى تۋمونباەۆ.
تۋمونباەۆتىڭ بۇل ۇسىنىسىن ارىپتەسى جانار اقاەۆ قولداۋعا دايىن ەكەنىن جەتكىزدى.
قازىر قىرعىزستاندا بۇرىنعى ەل باسقارعان ازاماتتاردان تەك ەكەۋىندە عانا ەكس-پرەزيدەنت مارتەبەسى ءبارۇ ولار - روزا وتىنباەۆا مەن سوورونباي جەەنبەكوۆ.
Abai.kz
