قىلمىستىق ارەكەتتەرىمەن گۇلميرا ساتىبالدى كاسىپورىن باسشىسىمەن بىرلەسىپ، 441 ميلليون تەڭگەنى جىمقىرعان.

«گۇلميرا ساتىبالدى بوتەننىڭ سەنىپ تاپسىرىلعان مۇلكىن ىسىراپ ەتۋ نەمەسە جىمقىرۋ بويىنشا كىنالى دەپ تانىلسىن. گۇلميرا ساتىبالدى مۇلكى تاركىلەنبەي، سەگىز جىلعا باس بوستاندىعىنان ايىرىلسىن. قاماۋ تۇرىندەگى بۇلتارتپاۋ شاراسى وزگەرىسسىز قالدىرىلسىن»، - دەدى سۋديا.

سوت سونىمەن بىرگە ساتىبالدىنى 10 جىل بويى كوممەرتسيالىق ۇيىمداردا باسشىلىق قىزمەت اتقارۋ قۇقىعىنان ايىردى.

گۇلميرا ساتىبالدى دەگەن كىم؟

52 جاستاعى گۇلميرا ساتىبالدى – قازاقستاننىڭ ەكس-پرەزيدەنتى نۇرسۇلتان نازارباەۆتىڭ نەمەرە ءىنىسى قايرات ساتىبالدىنىڭ بۇرىنعى ايەلى. ول جايلى جالپى اقپارات از: 2005 جىلعا دەيىن ماماندىعى مۇعالىم بولعان. قايرات ساتىبالدىعا تۇرمىسقا شىققان. گۇلميرا مەن قايرات ساتىبالدىنىڭ ءۇش بالاسى بار (ۇلى باۋىرجان مەن ەكى قىزى ارۋجان مەن داريا).

بۇرىنعى كۇيەۋى قايرات ساتىبالدى 2022 جىلى ناۋرىزدا بيزنەستى باسىپ الدى دەگەن كۇدىكپەن قاماۋعا العاننان كەيىن بىرنەشە كۇننەن كەيىن سىبايلاس جەمقورلىققا قارسى قىزمەتى گۇلميرا ساتىبالدىنى دا ۇستاعان. پروكۋروردىڭ ايتۋىنشا، تەرگەۋ بارىسىندا ول قازاقستاننان قاشىپ كەتپەك بولعان.

Abai.kz