بۇگىن قازاقستاندا استانا كۇنى اتالىپ ءوتىپ جاتىر. 1998 جىلعى 6 مامىردا بۇرىنعى پرەزيدەنت نۇرسۇلتان نازارباەۆتىڭ جارلىعىمەن اقمولا قالاسىنىڭ اتاۋى استانا بولىپ وزگەرتىلدى. 10 ماۋسىم رەسمي استانا كۇنى بولىپ بەكىتىلدى. مەرەكە 2008 جىلدان باستاپ ەكس-پرەزيدەنتتىڭ تۋعان كۇنىنە – 6 ماۋسىمعا اۋىستىرىلدى.

2019 جىلعى 20 ناۋرىزدا استاناعا نۇر-سۇلتان اتاۋى بەرىلدى. 2022 جىلى 17 قىركۇيەكتە پرەزيدەنت قاسىم-جومارت توقاەۆ «نۇر-سۇلتان قالاسىنىڭ اتاۋىن قازاقستان رەسپۋبليكاسىنىڭ ەلورداسى – استانا قالاسى دەپ وزگەرتۋ تۋرالى» جارلىققا قول قويدى.

بىرنەشە رەت اتاۋىن وزگەرتكەن باس قالاعا بۇگىن 25 جىل تولدى.

مەملەكەت باسشىسى قاسىم-جومارت توقاەۆ استانانى الەمدىك ساياساتكەرلەردىڭ بەيبىتشىلىك الاڭى دەپ اتايتىنىن جەتكىزدى.

«ەلوردا گەوساياسي ايماعىمىزدىڭ ماڭىزدى ورتالىعى رەتىندە دامي بەرەتىنىنە سەنىمدىمىن. استانا – كەڭ بايتاق ەلىمىزدىڭ تۇكپىر-تۇكپىرىنەن ادامدار كەلۋگە ۇمتىلاتىن جاس ءارى ءورشىل قالا. ەلوردا قازىردىڭ وزىندە تالاي جاستىڭ ومىرىنە قادام باسقان. بۇگىن استانا – ءاربىر ازامات ءوز الەۋەتىن ىسكە اسىرا الاتىن، مانساپ قۇرا الاتىن، يدەيالارى مەن ارماندارىن جۇزەگە اسىرا الاتىن زور مۇمكىندىكتەر قالاسى»، – دەدى توقاەۆ.

سونداي-اق ەلوردا كۇنىنە وراي استانا قالاسىندا بىرقاتار ءىس-شارالار ءوتىپ جاتىر.

فوتو: اشىق دەرەككوزدەن

Abai.kz