«قتج» ۇك» اق-دا ءبىرىنشى جارتىجىلدىقتىڭ قورىتىندىسىن شىعارۋ جانە 2023 جىل ەكىنشى جارتىجىلدىعىنىڭ نەگىزگى مىندەتتەرىن ايقىنداۋ بويىنشا كەڭەس بولىپ ءوتتى.

وتكەن جىلدىڭ ۇقساس كەزەڭىنە قاتىستى نەگىزگى وندىرىستىك كورسەتكىشتەردى ورىنداۋدىڭ وڭ ديناميكاسى اتاپ ءوتىلدى. اعىمداعى جىلدىڭ 6 ايىندا تاريفتىك جۇك اينالىمى 130,4 ملرد. ت-كم نەتتونى قۇرادى، بۇل وتكەن جىلعى دەڭگەيدەن 8,6%-كە جوعارى. ترانزيتتىك جۇك اينالىمى 39,1%-كە ءوسىپ، 27,8 ملرد.توننا-كيلومەتر نەتتوعا جەتتى. كونتەينەرلىك ترانزيت 26%-كە ءوستى.

قازاقستاننان قىتايعا ەكسپورتتىق جۇكتەردى تاسىمالداۋدىڭ ءوسىمى  قامتاماسىز ەتىلدى. كولەمى 5,7 ملن. توننادان استى. بۇل وتكەن جىلعى دەڭگەيدەن 27%-كە ارتىق.

جولاۋشىلار اينالىمى 5,7 ملرد جولاۋشى-كم قۇراسا، بۇل 2022 جىلعى فاكتىدەن 1,2% جوعارى.

ەسەپتى كەزەڭدە شامامەن 600 كم تەمىر جول جوندەلدى، بۇل وتكەن جىلعى كەزەڭنەن 100 كم ارتىق. 2023 جىلى جوندەۋ جۇمىستارىنىڭ بارلىق تۇرىمەن 1 126 كم ماگيسترالدى ساۋىقتىرۋ جوسپارلانۋدا. دوستىق – مويىنتى ۋچاسكەسىندە ەكىنشى جولداردىڭ قۇرىلىسى قارقىندى ءجۇرىپ جاتىر.

جىلجىمالى قۇرام پاركىن جاڭارتۋ بويىنشا جۇمىستار جۇرگىزىلدى. 36 لوكوموتيۆ، 48 فيتينگتىك پلاتفورما جانە 14 جولاۋشىلار ۆاگونى ساتىپ الىندى. جىل سوڭىنا دەيىن تاعى 139 لوكوموتيۆ، 620 جۇك جانە 50 جولاۋشىلار ۆاگونى جەتكىزىلەدى دەپ كۇتىلۋدە.

وتىرىستا قوزعالىس قاۋىپسىزدىگىن قامتاماسىز ەتۋ جانە ەڭبەكتى قورعاۋ ماسەلەلەرىنە ەرەكشە نازار اۋدارىلدى. قوزعالىس قاۋىپسىزدىگىن بۇزعانى ءۇشىن ءتيىستى تارتىپتىك جازا قولدانىلىپ، جاۋاپتى باسشىلار لاۋازىمىنان بوساتىلدى. وندىرىستىك قاۋىپسىزدىكتىڭ ناشارلاۋى الاڭداۋشىلىق تۋدىرىپ وتىر. انىقتالعان ەسكەرتۋلەردى جويۋ، وندىرىستىك جاراقاتتانۋدى ازايتۋ، سونداي-اق سانيتارلىق-تۇرمىستىق ەڭبەك جاعدايلارىن جاقسارتۋ بويىنشا شۇعىل شارالار قابىلداۋ قاجەتتىلىگى اتاپ ءوتىلدى.

قوزعالىس جۇمىسىن كۇشەيتۋ، جولاۋشىلارعا قىزمەت كورسەتۋ ساپاسىن جاقسارتۋ، تاستاپ كەتىلگەن پويىزدار سانىن ازايتۋ بويىنشا تاپسىرمالار بەرىلدى.

كۇزگى-قىسقى كەزەڭدە الەۋمەتتىك ماڭىزى بار جۇكتەردى (استىق، كومىر) تاسىمالداۋعا ساپالى جانە شارۋاشىلىقتاردى قىسقا دايىنداۋ جونىندەگى ءىس-شارالاردى ۋاقتىلى ورىنداۋعا باسا نازار اۋدارىلدى.

Abai.kz