بۇل باعىتتاعى ەڭ العاشقى قادام كسرو داستۇرىمەن بەرگەن قارىزىن كەشىرۋدەن باستالدى. سونىمەن ءوزى جارىماي وتىرعان رەسەي افريكا ەلدەرىنىنىڭ  23 ميلليارد اقش دوللارىن كەشىردى.

بۇل تۋراسىندا رەسەي پرەزيدەنت ۆلاديمير پۋتين «رەسەي – افريكا» ءسامميتىنىڭ وتىرىسىندا مالىمدەدى. وسىعان دەيىن 2019 جىلى وتكەن سامميتتە وسى ماسەلە كوتەرىلىپ، رەسەي جاعى افريكانىڭ 20 ميلليارد دوللارلىق قارىزىن كەشىرۋ تۋراسىندا ءسوز قوزعاعان ەدى. ەندى قارىزدى كەشىرۋمەن تىنباي، «افريكا ەلدەرىنىڭ وتىنىشىنە وراي» 90 ميلليون دوللار بولەتىن بولامىز دەپ ءبىر كوسىلدى.

2022 جىلدىڭ قورىتىندىسى بويىنشا رەسەي-افريكا تاۋار اينالىمى 18 ميلليارد دوللارعا جەتسە، بيىلعى 2023 جىلدىڭ جارتى جىلدىعىندا ول تىپتەن ارتا تۇسكەن. رەسەي افريكانى ءوز تاۋار نارىعى دەپ ەسەپتەپ، ماشينالارىن، قۇرال-جابدىقتارىن، حيميالىق ونىمدەرى مەن ازىق-تۇلىكتەرىن ەكسپورتتاپ كەلەدى. ازىق-تۇلىك ەكسپورتى ۋكراينانىڭ ەسەبىنەن ءوسىپ وتىر. ويتكەنى، ەگىنشىلىك اۋماعى سوعىس ورتىنە ورانعان ۋكرايناعا بۇرىنعى نارىعىن قايتارىپ الۋ ءۇشىن كوپ ۋاقىت كەرەك بولادى، دەيدى ماماندار. ال، رەسەي مۇنى ۇتىمدى پايدالانا ءبىلىپ، قولىنا تۇسكەن 1 ميلليارد دوللاردىڭ ازىق تۇلىك ءونىمىن ساۋدالاپ تا ۇلگەردى.

ويتكەنى، اشارشىلىق پەن ازىق-تۇلىك جەتىمسىزدىگىنەن كوز اشپاعان كەدەي افريكا پۋتيندىك رەسەي نە ايتسا، سوعان كونۋگە ءماجبۇر. 2022 جىلى رەسەي افريكاعا  11,5 ميلليون توننا استىق ەكسپورتتاسا، بيىلعى جىلدىڭ التى ايىندا ۋكراينانىڭ ول نارىقتان زورلىقپەن كەتۋىنە بايلانىستى 10  ميلليون توننانى ساتىپ ۇلگەردى.

Bloomberg دەرەگىنشە رەسەي قولىنا تۇسكەن استىعىن ءتۇرلى ەلدەرگە ساتقان ونىڭ ىشىندە يران مەن ليۆيا بار. 2022 جىلى رەسەيدىڭ استىق ساتۋدان تۇسكەن پايداسى 13 ميلليارد دوللاردى قۇراپ، اگروەكسپورتشىلاردىڭ الەمدىك رەيتينگىسىندە 17 ورىنعا تابان تىرەدى.

رەسەي اگرو ءونىمىن كوبىرەك تۇتىناتىن ەلدەر قاتارىندا قىتاي، تۇركيا، قازاقستان، بەلارۋس، وڭتۇستىك كورەيا مەن ەگيپەت بار.

Abai.kz