.png)
ءورت كيىمىن ساتىپ الۋعا 918 ملن تەڭگە بولىنبەك
ۇكىمەتى ورمان ءورت ءسوندىرۋ ستانسالارىنىڭ قىزمەتكەرلەرىن توتەنشە جاعدايلار كەزىندە قوسىمشا قورعانىسپەن قامتاماسىز ەتۋ بويىنشا شارالار قابىلداۋدا. ءتيىستى قاۋلىعا پرەمەر-مينيستر ءاليحان سمايىلوۆ قول قويدى، دەپ حابارلادى Halyq-uni.
قۇجاتقا سايكەس ۇكىمەت رەزەرۆىنەن تابيعاتتى قورعاۋ جانە ورمان مەكەمەلەرىنىڭ ورمان ءورت ءسوندىرۋ ستانسالارىنىڭ قىزمەتكەرلەرىنە ورتكە قارسى كيىم ساتىپ الۋعا 918 ملن تەڭگە كولەمىندە قاراجات بولىنەدى.
بۇل 30 تابيعاتتى قورعاۋ جانە 16 ورمان مەكەمەسىنىڭ قىزمەتكەرلەرىن مەحانيكالىق جاراقاتتانۋدان، گيپوتەرميانىڭ، اگرەسسيۆتى سۇيىق قۇرامداردىڭ، جوعارى تەمپەراتۋرانىڭ اسەرىنەن قورعاۋعا، جۇمىسشىلاردىڭ باستارىن سوققىدان ساقتاۋعا، سونداي-اق باسقا مەحانيكالىق اسەرلەردەن قوسىمشا قورعاۋ ءۇشىن ورتكە قارسى كيىممەن جابدىقتاۋعا مۇمكىندىك بەرەدى دەپ كوزدەلىپ وتىر.
Abai.kz
