ماۋسىم ايىنىڭ باسىندا ءبىزدىڭ وبلىسقا ەۋروپاداعى ەكونوميكالىق ارىپتەستىك جانە دامۋ ۇيىمىنىڭ حالىقارالىق كەڭەسشىسى دەن بيدۋا كەلگەن بولاتىن.

اتالمىش ۇيىم ەلىمىزدە ينۆەستيتسيا تارتۋ جانە ايماقتاردىڭ باسەكەگە قابىلەتتىلىگىن ارتتىرۋ باعدارلامالارىن جۇزەگە اسىرادى.  ءبىزدىڭ وبلىستا بۇل جوبا وبلىستىق اكىمدىك تاراپىنان ۇلكەن قولداۋعا يە بولدى. جوباعا قازىرگى ۋاقىتتا وبلىس اكىمىنىڭ ءبىرىنشى ورىنباسارى ەرمەك كوشەرباەۆ جەتەكشىلىك ەتۋدە.

دەن بيدۋانىڭ وبلىسقا كەلۋدەگى ماقساتى - ايماعىمىزداعى اعاش وڭدەۋ سالاسى ماسەلەلەرىن زەرتتەۋ جانە ورمان شارۋاشىلىعىندا قوردالانعان قيىندىقتاردان شىعۋدىڭ جولدارىن قاراستىرۋ.

ءىسساپار بارىسىندا دەن بيدۋا اعاش وڭدەۋ جۇمىستارىمەن اينالىساتىن «كولور»، «فاۆوريت»، «قازاقستان» سياقتى ءىرىلى-ۇساقتى مەكەمەلەردىڭ جۇمىسىمەن تانىسىپ، زىريان، سامار ورمان شارۋاشىلىقتارىندا بولدى.  مەكەمە باسشىلارى قوناققا ءوز جۇمىستارىنىڭ ەرەكشەلىكتەرىن كورسەتىپ، وسى سالاداعى بىرقاتار ماسەلەلەردى دە العا تارتتى. مۇنداعى كەمشىلىكتەردىڭ بارلىعى بىردەي – ورماننىڭ ساپاسىزدانۋى، ەسكىرگەن تەحنولوگيالار، ماماندار تاپشىلىعى، تاعى باسقا دا ماسەلەلەر.

ماۋسىم ايىنىڭ باسىندا ءبىزدىڭ وبلىسقا ەۋروپاداعى ەكونوميكالىق ارىپتەستىك جانە دامۋ ۇيىمىنىڭ حالىقارالىق كەڭەسشىسى دەن بيدۋا كەلگەن بولاتىن.

اتالمىش ۇيىم ەلىمىزدە ينۆەستيتسيا تارتۋ جانە ايماقتاردىڭ باسەكەگە قابىلەتتىلىگىن ارتتىرۋ باعدارلامالارىن جۇزەگە اسىرادى.  ءبىزدىڭ وبلىستا بۇل جوبا وبلىستىق اكىمدىك تاراپىنان ۇلكەن قولداۋعا يە بولدى. جوباعا قازىرگى ۋاقىتتا وبلىس اكىمىنىڭ ءبىرىنشى ورىنباسارى ەرمەك كوشەرباەۆ جەتەكشىلىك ەتۋدە.

دەن بيدۋانىڭ وبلىسقا كەلۋدەگى ماقساتى - ايماعىمىزداعى اعاش وڭدەۋ سالاسى ماسەلەلەرىن زەرتتەۋ جانە ورمان شارۋاشىلىعىندا قوردالانعان قيىندىقتاردان شىعۋدىڭ جولدارىن قاراستىرۋ.

ءىسساپار بارىسىندا دەن بيدۋا اعاش وڭدەۋ جۇمىستارىمەن اينالىساتىن «كولور»، «فاۆوريت»، «قازاقستان» سياقتى ءىرىلى-ۇساقتى مەكەمەلەردىڭ جۇمىسىمەن تانىسىپ، زىريان، سامار ورمان شارۋاشىلىقتارىندا بولدى.  مەكەمە باسشىلارى قوناققا ءوز جۇمىستارىنىڭ ەرەكشەلىكتەرىن كورسەتىپ، وسى سالاداعى بىرقاتار ماسەلەلەردى دە العا تارتتى. مۇنداعى كەمشىلىكتەردىڭ بارلىعى بىردەي – ورماننىڭ ساپاسىزدانۋى، ەسكىرگەن تەحنولوگيالار، ماماندار تاپشىلىعى، تاعى باسقا دا ماسەلەلەر.

ورمان شارۋاشىلىعى سالاسىندا 40 جىلدان استام ەڭبەك ەتكەن مامان ۆلاديمير رەزانوۆ مارتەبەلى قوناقپەن كەزدەسىپ ورمان شارۋاشىلىعىندا كۇندەلىكتى كەزدەسىپ جاتاتىن ماسەلەلەر جونىندە اڭگىمەلەستى.  ونىڭ ايتۋىنشا،  اعاش وڭدەۋ سالاسىن دامىتۋعا سەرپىن بەرەتىن نەگىزگى كۇش ەلىمىزدەگى ورمان ساياساتى تۇجىرىمداماسىن ازىرلەۋ قاجەت. وسى ارقىلى ورمان رەسۋرستارىن ءتيىمدى پايدالانىپ، ونىڭ ءونىمىن ارتتىرۋعا بولادى.  

حالىقارالىق ۇيىمنىڭ ساراپشىلارى الداعى ۋاقىتتا الەمدىك تاجىريبەلەردى نەگىزگە الا وتىرىپ، ەلدەگى ورمان ءوندىرىسىن دامىتىپ، وسى سالاعا ينۆەستيتسيا تارتۋ جونىندە ۇكىمەتكە ۇسىنىستار دايىندايتىن بولادى.

Abai.kz