كوپ اتا-انا بالاسىن قانداي ماماندىققا باعىتتاۋدىڭ ءمانىسىن بىلمەيدى.

سوندىقتان، ولار بالانىڭ جىلت ەتكەن قابىلەتىن عانا كورەدى دە، بالا تاعدىرىنا قاتىستى ماسەلەدە ۇشقارى شەشىمدەر قابىلدايدى...

تالاي جىلدار اراعا سالىپ، "نەگە وسى وقۋدى وقىتتىق ەكەن؟" دەپ وكىنىپ جۇرگەن اتا-انالار بۇگىندە وتە كوپ...

وعان سەبەپ تە ارقيلى:

بالانىڭ جىلت ەتكەن قابىلەتى - ونىڭ بولاشاقتاعى باقىتتى ءومىرىنىڭ كەپىلى بولا المايدى دەگەن قاعيدانى ەلەمەۋ;

بالانىڭ يكەمى قوعامنىڭ سۇرانىسىنا قانشالىقتى ساي كەلەدى دەگەن سۇراقتى دەر كەزىندە قويماۋ;

بالاعا ماماندىق تاڭدار الدىندا، ءوزىڭ ءومىر ءسۇرىپ وتىرعان مەملەكەتتىڭ ەكونوميكالىق-الەۋمەتتىك ساياساتىن عانا ەمەس، الىس-جاقىن گەوساياسي جاعدايلارعا تولىق اناليز جاساۋدىڭ جوقتىعى;

ەڭبەك نارىعىنداعى ناقتى ىسكە اسىرىلعان جوبالاردىڭ، پەرسپەكتيۆالىق جوبالاردىڭ پريوريتەتتىلىگىن، ولاردىڭ قايسىسى "ميف" كۇيىندە قالاتىنىن جانە ت.ت. جۇزدەگەن فاكتورلاردى جەكە-جەكە تالداۋدىڭ جوقتىعى;

ءتىل فاكتورىن ەسكەرمەۋ;

ءدىن فاكتورىن ەسكەرمەۋ;

وقۋ ورنىنىڭ ساپاسىنا مونيتورينگ جۇرگىزبەۋ;

جارناما جەتەگىندە كەتۋ;

نارىق سۇرانىسىنا تالداۋ جاساماۋ;

كوررۋپتسيالىق اھۋالعا بايلانىستى تاڭداۋعا كوررەكتيروۆكالار جاساماۋ;

بالا بولاشاعىنا، ونىڭ وقۋى مەن بولاشاق بيزنەسىنە بولىنەتىن وتباسىلىق ينۆەستيتسيانى دۇرىس ەسەپتەمەۋ...

تاڭدالعان ماماندىقتىڭ الەمدىك سۇرانىسىنا جانە رەيتينگىنە تالداۋ جاساماۋ...

مىنە، بۇل باستاپقى سەبەپتەرى عانا. ودان وزگە دە كوپتەگەن پەريفەريالىق سەبەپتەر دە ەسكەرىلۋى ءتيىس...

ەڭ باستىسى - بالانىڭ بولاشاقتا ماماندىعىنان جەرىپ كەتپەۋىن باستى نىسانادا ۇستاعان ءجون...

ءابدىراشيت باكىرۇلى

Abai.kz