قر پرەزيدەنت اكىمشىلىگىنىڭ جەتەكشىسى ك.ءماسىموۆتىڭ،

قر مادەنيەت جانە اقپارات ءمينيسترى م.قۇلمۇحاممەدتىڭ،

استانا قالاسىنىڭ اكىمى ي.تاسماعامبەتوۆتىڭ،

الماتى وبلىسىنىڭ اكىمى ا.مۇساحانوۆتىڭ،

«نۇر وتان» پارتياسى توراعاسىنىڭ ورىنباسارى ب.بايبەكتىڭ نازارىنا

قىتايدان كەلگەن قانداستارىمىز ەلوردامىز استانانىڭ تۋعان كۇنىنە ارناپ 73 مەتر قارالا سىرماق تىگىپتى. مۇنداي جاعىمدى جاڭالىقتى قۇلاعى تۇرىك قازاق ءباسپاسوزىنىڭ ءبارى جارىسا جازىپ، ايتىپ جاتىر. دەگەنمەن كوز مايىن تاۋىسقان اق سامايلى انالاردىڭ ەڭبەگىن كىم باعالايدى؟ مۇنداي سىرماق نە ءۇشىن كەرەك؟ تالدىقورعاننىڭ تەكەلىسىنەن استانانىڭ تورىنە كىم جەتكىزەدى؟

ءبىزدىڭ بىلۋىمىزشە، بۇل  تەك قازاقستاندا عانا ەمەس، بۇكىل دۇنيەجۇزىندە ەڭ ۇزىن سىرماق. ياعني بارشا الەمگە قالاي پاش ەتسەك تە جاراساتىن قازاق قولونەرىنىڭ   جاۋحارى. وسى كۇنگە دەيىن «قاراجورعانى»، «قارا دومبىرانى»، «قازاق كەستەسىن» گينەستىڭ رەكوردتار كىتابىنا ەنگىزىپ، قىتاي ەلى ءوزى ابىرويىن اسقاقتاتتى... بىزدىكى نە تۇرىس؟

قر پرەزيدەنت اكىمشىلىگىنىڭ جەتەكشىسى ك.ءماسىموۆتىڭ،

قر مادەنيەت جانە اقپارات ءمينيسترى م.قۇلمۇحاممەدتىڭ،

استانا قالاسىنىڭ اكىمى ي.تاسماعامبەتوۆتىڭ،

الماتى وبلىسىنىڭ اكىمى ا.مۇساحانوۆتىڭ،

«نۇر وتان» پارتياسى توراعاسىنىڭ ورىنباسارى ب.بايبەكتىڭ نازارىنا

قىتايدان كەلگەن قانداستارىمىز ەلوردامىز استانانىڭ تۋعان كۇنىنە ارناپ 73 مەتر قارالا سىرماق تىگىپتى. مۇنداي جاعىمدى جاڭالىقتى قۇلاعى تۇرىك قازاق ءباسپاسوزىنىڭ ءبارى جارىسا جازىپ، ايتىپ جاتىر. دەگەنمەن كوز مايىن تاۋىسقان اق سامايلى انالاردىڭ ەڭبەگىن كىم باعالايدى؟ مۇنداي سىرماق نە ءۇشىن كەرەك؟ تالدىقورعاننىڭ تەكەلىسىنەن استانانىڭ تورىنە كىم جەتكىزەدى؟

ءبىزدىڭ بىلۋىمىزشە، بۇل  تەك قازاقستاندا عانا ەمەس، بۇكىل دۇنيەجۇزىندە ەڭ ۇزىن سىرماق. ياعني بارشا الەمگە قالاي پاش ەتسەك تە جاراساتىن قازاق قولونەرىنىڭ   جاۋحارى. وسى كۇنگە دەيىن «قاراجورعانى»، «قارا دومبىرانى»، «قازاق كەستەسىن» گينەستىڭ رەكوردتار كىتابىنا ەنگىزىپ، قىتاي ەلى ءوزى ابىرويىن اسقاقتاتتى... بىزدىكى نە تۇرىس؟

وسىنداي كەرەمەت سىرماقتى دۇنيەگە اكەلۋگە باستاماشى بولعان، 2010 جىلى اتاجۇرتقا ورالعان زادا جۇمانقىزىنىڭ ايتۋىنشا، بۇل – شەتەلدەگى بار قازاقتىڭ جانە اتاجۇرتىنا ورالعان بارشا اعايىنداردىڭ ەلباسى نۇرسۇلتان ءابىشۇلىنا دەگەن ىستىق ىقىلاسىنىڭ، رياسىز العىسىنىڭ جەمىسى.

73 مەتر سىرماقتى تىگۋگە اتسالىسقان جازيرا قۇرمانعازىقىزىنىڭ دا ايتارى كوپ.  «اتاجۇرتقا كەلۋدەگى باستى ماقساتىمىزدىڭ ءبىرى – قازاق قولونەرىن الەمگە پاش ەتىپ، ۇلت قۇندىلىقتارىن ۇرپاققا جالعاستىرۋ»، - دەيدى ول.

شىندىعىندا، مۇنداي ەڭبەكتىڭ باعاسى شەكسىز. كەتكەن كيىزدى، ساباقتالعان ءجىپتى، بارىنەن دە سۇيەل بولعان ساۋساقتى ايتساڭىزشى... ءتىپتى ولاردىڭ ءالى كۇنگە مەنشىكتى باسپانالارى دا جوق كورىنەدى. بار ىقىلاستارىن ەلگە ورالىپ، ەڭبەكتەرىن كورسەتۋگە جۇمساپتى.

ءيا، جوعارىدا ايتتىق. مۇنداي جۇمىستى قىتايدا مەملەكەت بولىپ قولعا الادى. مينيسترلىك قاداعالايدى. اكىم تىكەلەي باس-كوز بولادى. ال، مىناۋ دايىن جۇمىس. تەك سونى باعالاي الۋ، اق سامايلى انالارىمىزدىڭ ەڭبەگىن ەش كەتىرمەي استانا تورىنە جەتكىزىپ، ەلباسىنىڭ نازارىنا ۇسىنۋ  ماقالا باسىندا اتى اتالعان لاۋازىمدى تۇلعالارعا سىن.

رسىندا، بار قازاقتىڭ ەلورداسىنىڭ تۋعان كۇنىنە قارالا سىرماقتان ارتىق قانداي سىيلىق كەرەك؟

 Abai.kz