ەنەرگەتيكا ءمينيسترى الماسادام ساتقاليەۆ قازاقستاندا اتوم ەلەكتر ستانتسياسىن سالۋ بويىنشا جالپىۇلتتىق رەفەرەندۋمنىڭ وتكىزىلۋىنە قاتىستى پىكىر ءبىلدىردى، دەپ حابارلادى Halyq Uni تىلشىسى.

"مۇنداعى ماسەلە قۇزىرەتتىلىكتى بولۋگە قاتىستى. مەنىڭ ويىمشا، رەفەرەندۋم ءبىرىنشى كەزەكتە قازاقستاندىقتاردىڭ وسى تەحنولوگيانى دامىتۋعا قاتىستى پىكىرىن بىلۋگە باعىتتالعان، ال ۇكىمەت ءوز تاراپىنان قوعامعا قولايلى شەشىمدى ۇسىنادى", - دەدى الماسادام ساتقاليەۆ پارلامەنت پالاتالارىنىڭ بىرلەسكەن وتىرىسىنان سوڭ.

ايتا كەتەيىك، بۇگىن اەس سالۋ ماسەلەسىنىڭ جالپىۇلتتىق رەفەرەندۋم ارقىلى شەشىلەتىنى حابارلانعان ەدى. ال وعان دەيىن ۇلكەن اۋىلى تۇرعىندارى اەس سالۋدى قولداعان بولاتىن. سونداي-اق ساراپشى قازاقستاننىڭ اەس سالعانمەن، كومىردەن باس تارتا المايتىنىن ايتتى.

Abai.kz