كاسىپقوي بوكسشى دانيار ەلەۋسىنوۆ جاڭادان قۇرىلعان تۋريزم جانە سپورت مينيسترلىگىنىڭ باسشىسى ەرمەك مارجىقپاەۆتان وليمپيادا چەمپيونى، ءماجىلىستىڭ ەكس-دەپۋتاتى سەرىك ساپيەۆتى قىزمەتكە الۋىن ءوتىندى.

«جەكە تۋريزم جانە سپورت مينيسترلىگى قۇرىلعانى تۋرالى جاقسى جاڭالىق ەستىدىم. جاڭا مينيسترلىكتى بۇرىنعى سپورتشى ەرمەك مارجىقپاەۆ باسقاردى، بۇل ەكى ەسە جاعىمدى جاڭالىق. ەرمەك مارجىقپاەۆ، تاعايىندالۋىڭىزبەن قۇتتىقتايمىن! بىزگە سپورتتىڭ بارلىق ماسەلەلەرىن ىشتەي بىلەتىن جانە مەملەكەتتىك قىزمەتتە تاجىريبەسى بار سپورت ادامدارى قاجەت. وندا ءوز ءىسىنىڭ مامانى سەرىك ساپيەۆتى كورۋ جاقسى بولار ەدى. سەكە، ورالىڭىز جانە ءبىزدىڭ سپورتتى وليمپيادا بيىكتەرىنە كوتەرىڭىز»، - دەپ جازدى د.ەلەۋسىنوۆ ءىnstagram-پاراقشاسىندا.

1 قىركۇيەك كۇنى پرەزيدەنت جارلىعىمەن  5 جاڭا مينيسترلىك: سۋ رەسۋرستارى جانە يرريگاتسيا مينيسترلىگى; كولىك مينيسترلىگى; تۋريزم جانە سپورت مينيسترلىگى; مادەنيەت جانە اقپارات مينيسترلىگى; ونەركاسىپ جانە قۇرىلىس مينيسترلىگى قۇرىلدى.

تۋريزم جانە سپورت ءمينيسترى قىزمەتىنە 2019 جىلدان بەرى اقمولا وبلىسىنىڭ اكiمi بولعان ەرمەك مارجىقپاەۆ تاعايىندالدى.

ال 40 جاستاعى سەرىك ساپيەۆ بوكستان ەكى دۇركىن الەم چەمپيونى، وليمپيادا جەڭىمپازى. 2017-2019 جىلدارى – ءماجىلىس دەپۋتاتى، 2019-2021 جىلدارى قر مادەنيەت جانە سپورت مينيسترلىگى سپورت جانە دەنە شىنىقتىرۋ كوميتەتىنىڭ باسشىسى، 2023 جىلدىڭ ساۋىرىندە «قازاقستان سپورتشىلارى وداعى» رقب پرەزيديۋمىنىڭ توراعاسى قىزمەتىنە تاعايىندالدى.

Abai.kz