قر ءسىم رەسمي وكىلى ايبەك سمادياروۆ تۇركيادا كولىك اپاتىنا ۇشىراعان وتانداستارىمىز تۋرالى مالىمدەمە جاسادى.

ء“بىزدىڭ ديپلوماتتار ولاردىڭ تۋىستارىمەن بايلانىستا. بۇگىن-ەرتەڭ تۋىستارى تۇركياعا جەتۋى كەرەك. كونسۋلدىق بارلىق قاجەت كومەكتى كورسەتەدى”، – دەدى ول.

سمادياروۆتىڭ سوزىنشە، اپاتقا ۇشىراعان جەرلەستەرىمىز 31 تامىزدا تۇركياعا دەمالۋعا كەلگەن. بۇگىن قازاقستانعا قايتۋى كەرەك بولعان. كەشە ولار ەكسكۋرسياعا بارۋ ءۇشىن كولىككە وتىرىپتى. ولار مىنگەن كولىك باسقا كولىكپەن سوقتىعىسىپ، جولاۋشىلار (قازاقستان ازاماتتارى) سىرتقا ۇشىپ كەتكەن. جالپى كولىكتە 15 جولاۋشى بولعان دەگەن اقپارات بار.

“ەكى وتانداسىمىز اپاتتان كوز جۇمدى. 2 ادام اۋرۋحانادا جاتىر”، – دەدى ايبەك سمادياروۆ.

جۋرناليستەر قازاقستان ازاماتتارىنىڭ دەنەسى ەلگە قالاي جەتكىزىلەتىنىن سۇرادى.

“وتباسىندا ساقتاندىرۋ ءپوليسى بولعان. قازىر تۋىستارى تۇركياعا جەتسىن. سول جەردە شەشىم قابىلدانادى. جاقىن ارادا قازاقستانعا  جەتكىزۋگە كومەك كورسەتەمىز”، – دەدى ءسىم وكىلى.

“ايتا كەتەتىن جايت بار. قازاقستان ازاماتتارى شەتەلگە دەمالۋعا بارسا، قاۋىپسىزدىك شارالارىن قاتاڭ ساقتاۋى كەرەك. قايعىلى جاعدايدىڭ ءمان-جايىن تەرگەۋ انىقتايدى. ولار (كولىككە وتىرعاندا – اۆتور) قاۋىپسىزدىك بەلدىگىن تاقپاعان. سالدارىنان بارلىق وتباسى مۇشەسى كولىكتەن ۇشىپ كەتكەن. مۇنداي قايعىلى جاعداي قايتالانباسا ەكەن”، – دەپ قوستى ول.

ەسكە سالساق، بۇدان بۇرىن قازاقستاندىق جۋرناليست تۇركيادا كىشكەنتاي قىزىمەن بىرگە قازا تاپقانى ايتىلعان بولاتىن.

فوتو: اشىق دەرەككوزدەن

Abai.kz